Oyme курось вейсэндизе Мордовиянь, Малайзиянь ды Дагестанонь культуратнень

Материал из Викиновостей, свободного источника новостей
Лия кельтнесэ: русский • эрзянь

26 января 2020 года

Oyme морамокуронь этно-фьюжн проектонть «Adai-Adai» морось ней ули Apple Music ды лия цифрань платформасо. Морось кунсолови ды записяви эсеть туртов.

Од композициясь теезь калонь кундыцянь кезэрень коень моравксонть коряс, морави малаень кельсэ ды аранжировазь world music (folk electronic) стильсэ, моросонть маряви Grammy премиянь саицянть эстетикась — Deep Forest группанть — самай сонзэ марто Oyme морамокурось тейсь вейсэнь альбом «Evo Devo» 2016 иестэ.

Прявт таркасо Oyme куронь шкинемасо ашти эрзянь ды мокшонь кезэрень фольклор. Неень шкане сонзэ вейсэндизь лия культурань влияния марто. Покш лездыцякс «Adai-Adai» трекень сёрмадомсто ульнесь малаень седицясь Мохд Фирдаус Иезара Дауз (малаекс Mohd Firdaus Iezara Dauz). Дизайнось теезь дагестанонь артыцянть важодеманзо коряс Мурад Халилов (Murad Halilov). Дагестанонь седямо марто Oyme курось теевсь содавиксэкс уш икелев.

Трекесь записязь московонь кинонь композиторонь Владимир Осинскоень студиясо. Самай те студиясо Ежевика Спиркина — куронь прявтось — пурнась трекень презентация, конась лемдезель «Малаень ды эрзянь пати». Вастомась ульнесь кода зярыя культурань човорямо. Васняяк сыцятне неизь, кода пек малавикст ставксонь коряс тейтерьавань оршамотне лия цивилизациянь: малаень оршамопельтне, конатнесэ ульнесть оршазь морыцятне, ды мокшонь. Инжетне симнесть эрзянь ды мокшонь симемапельде, а ярсамопельтне ульнесть малаень — лакса лемест. Те Малайзиянь чиньстямо ёнксонь Саравак штатонь пидема-панема. Те ярсамопелесь, кода толковась Ежевика, невти ниле масторонь ёнкст. Те арсеманть лангсо карми анокстазь од проектонь альбомось. Морамокужонь тейтерьтне теизь сыцятнень содавиксэкс лия культура марто налксезь, апак тонавто — тейнесть орожиямо «w:Калевала» карелэнь ды финнэнь эпосонь коряс, ды эрзянь калядкань морамсто тейнесть фантань кондямо налксема.

Тувака морыцятне ёвтнесть, кода сниметь клипть. Теде мейле невтизь прявт тевенть — моравтызь «Адай-Адай» трекенть Осинской студиянь оборудованиянь лангсо.

Вана мезе Ежевика ёвтнесь моронть ланга:

«Те морось калонькундыця ланга, сынст пек стака важодемаст. Тень лангс апак вано сынь содыть: кудосо эйсест учить вечкиця нить ды эйкакшт. Те максы вийть велявтомс кудов живстэ.»

Смотреть и слушать[править]

Ссылки[править]

Источники[править]

Оригинальный репортаж
Оригинальный репортаж Викиновостей

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.