«Фин-угор туризм вотэс» нимо семинар 2017 арлы Финугор культура шоркарын, Вуккониемиын, ортчоз

Материал из Викиновостей, свободного источника новостей
Перейти к навигации Перейти к поиску
Geographylogo.png Мукет кылъёсын: русский • эрзянь • удмурт

28 февраля 2017

Vuokkiniemi Lumifest 20170115 IMG 2113.jpg

27 тулыспалэ 2017 арлы Финн-угор дуннелэн культура шоркараз Вуккониеми гуртын (Карел Элькун) туризмез азинтонлы сӥзем калыккуспо семинар ортчоз.

Ужрадлэн нырысетӥ люкетаз Эстониын улӥсь удмурт Людмила Руукель перепеч но пельнянь пӧран мастер-класс ортчытоз. Удмуртиын вордскыса, Людмила Руукель али Эстониын, Пярну ёросын улэ. Айвар Руукель картэныз ӵош соос финугор калыкъёслэсь пӧраськон сямъёссэс дуннелы возьмато но соосты вӧлмытыны тыршо.

Кыкетӥ люкетаз «Финн-угор туризм вотэс» нимо практико семинар луоз. Семинарлэн лекторез, экотуризм удысын ужбергатӥсь Айвар Руукель семинарлэсь валтӥсь орзэ валэктэ:

««Семинармылэн валтӥсь ужпумез – дуннеысь но Эстониысь экотуризмлэн азинскеменыз тодматон, экотуризмез масс туризме пыӵатэмлэсь усто учыръёссэ возьматон». Визьнод шараян но дышетон программаосыз радъян Финн-угор дуннеысь Культура шоркарлэн программаяз бадӟым инты басьто. Та семинарез радъянын Вуккониеми понна бадзым йӧнлыкез вань.»


"Асьмелэн нырысетӥез ужпуммы — Вуккониемилэсь но Карелилэсь аспӧртэмлыксэс нылпиосмы но нунокъёсмы понна утён, туризм амалэн но. Карел кылэз но уже кутыса кыл туризмез азинтыны кулэ. Ас гуртмес быдэс дуннелы возьматоно. Со уж борды али ик руз, гижысь-пиньысь басьтӥськоно ни. Гуртмылэн туризм удысын бадӟым потенциалэз вань, но оскисько, Финн-угор дуннеысь Культура шоркар нимез утеммы но со ужын асьмелы юрттоз шуыса.

««Финн-угор туризм вотэс» семинар вань гурточиос понна тунсыко но пайдаё луоз: со удысын вырисьёсызлы но малпаськисьёсызлы но»»

, — валэктэ Елена Плюйко, Финн-угор дуннеысь культура шоркар нимо программалэн координаторез.

Семинаре Вуккониемиысь, Костамукшаысь но артысь гуртъёсысь улисьёс пыриськозы.

Дыррадыз:
14.00 — Удмурт поран мастер-класс
17.00 — «Финн-угор туризм вотэс» семинар
Пыронэз дунтэк.


Валэктон:
Финн-угор дуннеысь культура шоркар — МАФУНлэн финугор калыкъёслэсь улон интыоссэс туризм, культура но устолык пыр азинтонлы радъям программаез. Программа 2014 арын мытэмын вал, нырысетӥ шоркар нимез Удмурт Элькунысь Вуж Быгы гурт утиз. 2015 арын культура шоркар Обиница нимо (Эстония) сету гуртын интыяськиз. 2016 арын культура шоркар ним кык интылы сётэмын вал: Венгриысь Искасентдьёрдь нимо гуртлы но Веспрем карлы. Туэ культура шоркар Карелие выжиз.

МАФУН — финн-угор но самоди егитъёслэн мер организацизылэн огазеяськемез. МАФУНлэн цельёсыз — урал калыкъёслэсь кылъёссэс но культураоссэс утён но азинтон, урал калыкъёслэсь вачекусыпъёссэс юнматон, выжы калыкъёслэсь эрикрадъёссэс утён, урал калыкъёслэсь улон интыоссэс мер но экономика ласянь азинтон.

 

Источники[править]

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: найдите в ней самую первую правку; тот, кто её внёс, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.