Викиновости:Сохранено для истории/Од книгазо Маризь Кемалень: мазычись улезэ эрямосо!
29 ноября 2019 года
Авось умок Саран ошсо Маризь Кемалень соадвиксэв эрзянь валморозеенть ды сёрмадеенть лиссь од книгазо .
![]() | «Эрзянь раськентень седейшкава алтатано те пусмонть» | ![]() |
Людмила Фёдоровна тонавтсь Кемалень викшнеме. Зярдо Кемаль тонадсь, сон сёрмадсь викшнемань коряс тонавтома книга (кода анокстави эрзянь авань оршамось васенце ставкссто саезь ды пес, прядовомазонзо) – «Котова таргазь монь палям...» (те строчкась саезь эрзянь фольклорсто). Ёвтневи эйсэнзэ седеяк, кода эрзянь арткесэ мазылгавтомс неень шкань курмот-кармот. Технической частесь, артовкстнэ – Игнатьевань, текстэсь – Кемалень.
Л.Ф.Игнатьева рузаваль, ансяк ульнесь мелезэ: те книгась сёрмадовозо-лисезэ эрзянь кельсэ. Кемалень мелезэ – эрямстонзо нолдамс те книганть: Игнатьеванень алтакшнось, ды зярс валозо эзь топавтовкшно – ризнэсь седеезэ.
Тюсовсто нолдазь пусмось (викшевкстнэсэ неявост якстересь, раужось, ожось, пижесь) ули лезэв весень туртов, кие вечксы эрзянь раськенть, культуранть. Нолдазь сон [[w:myv:Суоми Мастор|Суоми Мастронь ломаненть Арво Сурвонь лездамонзо вельде.
![]() | «Ине сюкпря Теть, Арво!» | ![]() |
![]() | «Раськень оршамотнень мазычись улезэ яла ломантнень эрямосо!» | ![]() |
Сюконямот Теть, Кемаль! Сюконямот Теть, Людмила Фёдоровна! Сюконямот Теть, Арво! Книгась мельс туи ламо ловныцятнень туров, ансяк нолдазь сон 150 экземпляров ды аломо шкань ютазь сон корми раритетекс.
Маризь Кемаль ды Татьяна Мокшанова (Швецова)
Татьяна Швецова «Котова таргазь монь палям…» книганть марто.
Татьяна Швецова эрзянь раскень оршамопельсэ
Мельполадкст[править]
Источники[править]
Комментарии:Сохранено для истории/Од книгазо Маризь Кемалень: мазычись улезэ эрямосо!