Ижысь азьветлӥсьёс люкаськылӥзы Удмурт Выль аре

На других языках: русский • удмурт

22 января 2018 года

Праздники

<dynamicpagelist>

category = Поттэмын category = Праздники notcategory = Не публиковать notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist>

Общество

<dynamicpagelist>

category = Поттэмын category = Общество notcategory = Не публиковать notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

Удмурт Выль ар

Кылем арняе Ижысь Эшъяськон юртэ Ижысь 80 пала дышетскисьёс люкаськылӥзы. Соос удмурт сямен Выль арез пумитазы. Ужрадэз радъязы «Удмурт Кенеш» но «Шунды» огазеяськонъёс.

Таӵе шулдыръяськон ӟеч сямлы пӧрмиз ини, со ортчылэ арлы быдэ. Но азьвыл кыз котыртӥ покчи классъёсын дышетскисьёс бергазы ке, туэ, дышетӥсьёс куремъя, ӧтемын вал 8-тӥ-11-тӥ классъёс. Ваньзы соос - азьветлӥсьёс, пӧртэм вожвылъяськонъёсын но олимпиадаосын вормемъёс.

- Таӵе ужрадэ мон нырысьсэ вуи. Ма, Ижын но нырысетӥ арзэ улӥсько ай, отчыозь дышетски Алнаш ёросын. Дорам сярысь, татын дышетскыны секытгес, - шуэ Кузебай Герд нимо гимназиысь Нина Семенова. - Ужрадэ ӧтизы удмурт кылъя олимпиадаын вормисьёс пӧлы шедеме понна.

Люкаськемъёс азьын вераськыкуз, «Удмурт Кенешлэн» тӧроез Татьяна Ишматова тау кариз вань дышетӥсьёслы кужымзэс но сюлэмзэс поныса тыршемзы, котькыӵе ужын юрттӥськемзы понна.

- Таӵе ужрадэз ортчытӥськом, удмурт кылын вераськыны мылкыдды эшшо но мед пуромоз шуыса. Тӥ - милям «зарни егитъёсмы», азинсконъёс но выль вормонъёс тӥледлы, - сӥзиз Татьяна Витальевна.

- Удмурт кылмы тӥледыз азьлане мед нуоз, улонады мед юрттоз, - ватсаз Удмурт нылкышно кенешлэн тӧроез, Эшъяськон юртын ужась Надежда Степанова.

Та ӝытэ вань люкаськемъёс портэм вожвылъяськонъёсы, удмурт шудонъёсы пыриськизы, тунаськизы. Ӵошатсконъёс вискын дышетскисьёсты шулдыр кырӟанъёсын шумпоттӥзы «Куарагур» проектлэн финалистъёсыз. Ужрад пумын вань лыктэмъёслы Тол бабаен Лымы ныл саламъёс люкылӥзы. Ужрадэз йылпумъяз удмурт дискотека.

Источники