Коронавирус Башҡортостандың өстән ике өлөшөн ҡапланы

Материал из Викиновостей, свободного источника новостей
Перейти к навигации Перейти к поиску
Geographylogo.png Башҡа телдәрҙә: башҡортса • русский

19 апреля 2020

Бөгөнгә Башҡортостандың 40-тан ашыу муниципаль берәмегендә (барлығы 54 район, 8 республика әһәмиәтендәге ҡала, 1 — ябыҡ администатив-территориаль биләмә, 12 район кимәлендәге ҡала иҫәпләнә) SARS-CoV-2 вирусын йөрөтөүселәр теркәгән.

Ҡайһы берҙәрендә, мәҫәлән, Бәләбәй районында, инфекция йоҡтороусылар һаны 18-гә етә, Өфө районында 11 осраҡ теркәлгән.

Бөрөлә — 4 осраҡ. Баймаҡ, Балтас, Борай, Ҡырмыҫҡалы, Көйөргәҙе, Миәкә райондарында, Ишембай, Күмертау, Нефтекама, Сибай ҡалаларында — икешәр осраҡ. Благовар, Белорет, Бүздәк, Дәүләкән, Дүртөйлө, Иглин, Кушнаренко, Туймазы райондарында, шулай уҡ Стәрлетамаҡ, Туймазы һәм Октябрьский ҡалаларында — өсәр раҫланған осраҡ. Баҡалы, Балаҡатай, Дыуан, Ейәнсура, Йылайыр, Ҡалтасы, Ҡариҙел, Ҡыйғы, Мәләүез, Нуриман, Салауат, Шишмә, Яңауыл райондарында, Ағтҙел, Салаауат ҡалаларында — берәр осраҡ.

Шул уҡ ваҡытта Өфөлә йоғошло ауырыуҙар дауаханаһында яңы — коронавирусҡа ҡаршы есемдәрҙе (антитела) табыуға иммунферментлы анализ — COVID-19-ға лаборатор диагностика һыналған. Эшләнгән тест-системалар Түбәнге Новгородтың «Диагностические системы» Фәнни-производство берекмәһе менән киң масштабта сығарыла башлаһа, инфекцияны иртә һәм һуң стадияларҙа асыҡларға мөмкин буласаҡ.

Рәсми мәғлүмәттәр буйынса бер аҙнала (13-17 апрелдә) Башҡортостан Рәсәй субъекттары араһында 10 мең кешегә коронавирус менән сирләүселәр һаны буйынса, яңы 106 сирле асыҡланыуға ҡарамаҫтан, күрһәткестәрен яҡшыртып 48 урындан 53-сө урынға күтәрелде.


 

Сығанаҡтар[править]


Эта страница создана участником З. ӘЙЛЕ в рамках конкурса «Останься дома с Викиновостями».
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.