Кулось Рузонь ды Мордовиянь Раськень артисткась – Мария Антонова

Материал из Викиновостей, свободного источника новостей
Перейти к навигации Перейти к поиску
Geographylogo.png На других языках: русский • эрзянь

5 марта 2020

2020 иень эйзюрковонь 1-це чистэ 93 иесэ кулось Рузонь ды Мордовиянь Раськень артисткась — Мария Николаевна Антонова. Ливтемазо ютась эйзюрковонь 3-це чистэ Саранскоень Рузонь драмань театрасо. Церкувань моравтомась ютась Феодор Ушаковонь лемсэ церкувасонть.

Мария Антоновась ульнесь Мордовиянь вийкирдиень филармониянь ды «Умарина» киштема-морамонь вейсэндявксонь солисткакс.

Се морось, конанть кувалт содавсь эрьванень, кармась самай «Умарина» морось (). «Умаринась» — те аволь ансяк чувто, те одчинь тешкс, а стяко венчамонь перть Кудавась канды «умарина».

Васенцеде Маря морызе моронть 1957 иестэ, Московсо, зярдо тосо ютавтозель Раськеютконь од ломанень ды студентэнь фестивалесь.

Сонсть, Маря, чачсь мокшонь Левжа велесэ , Рузаевка ало, 1926 иень медьковонь 24-це чистэ. 1945 иестэ велявтсь кудов Саратовонь филармониянь «Мордовской студиянь» тонавтнемадо мейле. Тонавтнемазо прок эзь прядово — кудосо учость эйстэнзэ лекс. Теде мейле морась хорсо Мордовиянь музыкань театрасо, мейле кармась «Умаринань» солисткакс.

Тензэ эрямонь перть максозельть: Мордовия Республикань кирдивиень ярмаков казне (2002), Мордовия Республикань почетной эриця (2000), РСФСРэнь раськень артисткась (1980), Мордовия АССРэнь кирдивиень ярмаков казне (1971), «Мордовия АССРэнь раськень артистка» лемесь (1969), РСФСРэнь заслуженной артисткась (08.03.1960), Мордовиянь АССРэнь заслуженной артисткась (1957), «Знак Почёта» орденэсь, Раське ютконь ялгаксчинь орденэсь.

Республикасо ютавтови Мария Антоновань лемсэ раськень морамонь пелькстамо.

 

Источники[править]

 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.