Көҥүл суруналыыстар «Чааһынай Кэрэспэдьиэн» дастабырыанньатын тутуохтара

Материал из Викиновостей, свободного источника новостей
Перейти к навигации Перейти к поиску
Geographylogo.png Атын тылынан: башҡортса • саха тыла • русский

10 августа 2016

«Чааһынай Кэрэспэдьиэн» дастабырыанньата
Бу ыстатыйаҕа Бикимиэдьийэ пуондата дуу, кини бырайыактарыттан биирдэстэрэ, биитэр киниэхэ сыһыаннаах дьон ахтылаллар. Биики-сонунБикимиэдьийэ пуондатын бырайыактарыттан биирдэстэрэ.

2016 сыл атырдьах ый 9 күнүгэр Нуучча Биики-сонуннара уонна «Чааһынай Кэрэспэдьиэн» интэриниэт таһаарыы «Чааһынай кэрэспэдьиэн буол!» диэн ааттаах көҥүл суруналыыстыкаҕа кыттыгас бырайыак оҥорор туһунан биллэрдилэр. Бырайыак иһинэн аналлаах ирдэбили толорбут репортердарга «ЧасКор» суруналыыс дастабырыанньатын туттарыаҕа, уонна оннук дастабырыанньалаахтарга араас тэрээһиннэргэ аккредитация ылалларыгар көмөлөһүө.

Суруналыыс дастабырыанньатын ылыы аан бастаан маннык аһаҕас уонна туохтан да тутулуга суох буолуоҕа. Дастабырыанньаланыан баҕалаахтар сонун бэлиэтээһини, анаарар ыстатыйаны, интервьюны, фото уонна видео эрэпэртээстэри суруйар кыахтарын көрдөрүөхтээхтэр.

Бырайыакка араас жанрга идэтийбит көҥүл суруналыыстары, сааһыттан уонна дойдутуттан тутулуга суох, кэтэһэллэр.

Бырайыак кыттааччылара үлэлэрин Нуучча Биики-сонуннарыгар уонна «Чааһынай Кэрэспэдьиэҥҥэ» бэчээттиэхтэрин сөп. Таһаарыылар иккиэн көҥүл Creative Commons лиссиэнсийэннэн үлэлииллэр. Онно угуллубут ыстатыйалар туох да улахан хааччаҕа суох атын сиргэ бэчээттэниэхтэрин сөп.

«Викимедиа РУ» НП толорооччу дириэктэрэ Станислав Козловский Биики-сонуннарга маннык диэтэ:

« «Викимедиа РУ» 7 сыл кэриҥэ «Чааһынай Кэрэспэдьиэни» кытта үлэлиир. «Чааһынай Кэрэспэдьиэн» Creative Commons Attribution 3.0 аһаҕас лиссиэнсиэйни бары матырыйалларыгар туттар Арассыыйаҕа бастакы таһаарыы буолар. Бикипиэдьийэ элбэх кыттааччылара хайыы-үйэ Часкор дастабырыанньатын туппуттара, ол түмүгэр, холобура, энциклопедияҕа аналлаах элбэх хаартыска оҥоһуллубута. Ол эрээри бу бырассыаһы бэрээдэктиир уолдьаста, суруналыыс буоларга сурналыыс быһыытынан үлэлиэххэ наада :) Мин бу бырайыак биир өттүнэн Биики-Сонуннары дьоҥҥо биллэр-көстөр буоларыгар көмөлөһүө, иккис өттүнэн информация хомуйарга уонна хаартыска түһэрэргэ Викимедиа кыттааччыларыгар эбии кыахтары биэриэ диэн эрэллээхпин. Тоҕо диэтэххэ суруналыыс дастабырыанньата суох инньэ гынар сорох түгэҥҥэ наһаа ыарахан биитэр отой сатаммат. »

«Чааһынай Кэрэспэдьиэн» сүрүн эрэдээктэрэ Наталия Трищенко бэлиэтээтэ:

« Билиини аһаҕастык сомсон ылыы уонна ону тарҕатыы информация үйэтигэр киһи быраабын биир тулхадыйбат тулааһына буолла. ЧасКор үрдүк таһымнаах мөккүөр былаһааккатын быһыытынан уонна «Викимедиа РУ» бырайыактарыгар аһаҕас информация төрүтэ буолаары айыллыбыта. Биһиги бииргэ үлэбит салҕанарыттан наһаа үөрэбит уонна атын да интэриниэккэ баар былаһааккалары Биики-Сонуннар уонна Часкор бырайыагар кытталларыгар ыҥырабыт. »

Тэрийээччилэр бырайыак аһаҕаһыгар болҕомтолорун хатыыллар уонна атын киэҥ эйгэҕэ тахсар таһаарыылары кыттыһарга, эбии кыаҕы туһанарга ыҥыраллар.

 

Эбии көр[править]

 

Төрүттэрэ[править]

Биики-сонуҥҥа анаммыт эрэпэртээс


Бу эрэпэртээс Биики-сонуҥҥа эрэ анаан оҥоһуллубут.

Сонун хантан ылыллыбыта суруллубатах буоллаҕына, ол аата ааптар бэйэтэ билбитин-көрбүтүн суруйбут. Ким суруйбутун билиэххин баҕарар буоллаххына ыстатыйа устуоруйатын көрүөххүн сөп: онно суруллубут бастакы киһи - сонун ааптара. Өскөтө сороҕун суруйбатах буоллаҕына эбэн биэр. Кэм ааспытын кэннэ туох эрэ уларыйбыт буоллаҕына саҥа чахчылары саҥа ыстатыйаҕа суруй. Ыйытыылаах буоллаххына кэпсэтэр сиргэ суруй.
 
Комментарии[править]
Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.