Лахтисэ юты VII Весемасторонь суоми-угрань Инекужо

Материал из Викиновостей, свободного источника новостей
Перейти к: навигация, поиск
Geographylogo.png Лия кельтнесэ: русский • коми • эрзянь

16 июня 2016

Сибелиусонь Кудо

2016 иень аштемковонь 15 – 17 читнестэ Лахти ошсто (Суомисэ) юты VII Весемасторонь суоми-угрань Инекужо. Прявт кучовксозо истямо: «Суоми-угрань масторось — виев икелев молемас». Инекужоссонть пурнавить 500 ломанть ламо раськень: суомить, эстэть, мадьярдт, квентт, сэтот, ливт, карелэть, тверень карелэть, вепсэть, ингермаландецт, ижорат, комить, коми-пермякт, ненецт, хантат, водьть, мансить, нганасант, энцэть, селькупт, удмурт, мокшот, эрзят, марить.

Кармить инжеть Норвегияссто, Шотландиясто, Инебританиясто, Латвиясто, ЮНЕСКО ды ООН-нь улицят, вийкирдицят, политикть, шкинемань ды наукань ветийть.

VII Весемасторонь суоми-угрань Инекужонть панжомсто (Сибелиусонь Кудосо) ульнесть президентнэ Суоми Масторонь Саули Ниинистё, Эстэнь Масторонть Тоомас Хендрик Ильвес, Мадьяронь Масторонть Янош Адер ды Россиянь шкинемань министранть полавтыцязо Александр Журавский.

Суоми Масторонь тонавтыцянь ды наукань министрась Санни Грахн-Лаасонен карми кортамо «Суоми-угрань раськеть — виев икелев молемас» доклад. Валерий Марков ёвтни кода эрясь Весемасторонь суоми-угрань раськетнень консультативной комитетэсь. Лахти ошонь прявтось Юрки Мюллювирта ёвтаст паро валт Инекужонть ютавтомадонть.

Инекужонть важодемазо карми молеме истмо кевкстэма марто: суоми-угрань кельтнень ванстома ды вельмевтема; эсьмасторюронь раськеть ды сынст видечист. Кармить важодеме вете тематикасо пурнавкст-кортавкст: «Суоми-угрань кельтнень ды шкинематнень тонавтнема лувось сырькайтнестэ одтнэнень» («Преемственность в освоении и использовании финно-угорских языков и культур»;) «Суоми-угрань информациянь пертьпелькс: сонзэ касомазо» («Финно-угорское информационное пространство: перспективы развития»); «Эрямо ломать ды вийкирдиесь» («Гражданское общество и власть»), «Экономикась ды перька пертьпельксэсь» («Экономика и окружающая среда»); «Ломанень касома-вишкалгавтомась ды ве таркасто лияс эрямо якамось. Сыре ды од томбале эрицят» («Демографические и миграционные процессы. Старые и новые диаспоры»).

Истяжо карми покш шкинема программа. Инекужонь панжомсто морась саамонь рэп-артист Айлу Валле, Одломанень киштема кужо Лахти ошонь Киштема училищань ды Лахти ошонь консерваториянь камерной оркестрась.

Аштемковонь 15 чистэ «Метро» клубсо кармить морамо «Ääninen» пурнавкссось, карелэнь рок-седицясь Сантту Карху ды Айлу Валле. Аштемковонь 16 чистэ ошонть куншка таркасонть карми суоми-угрань пурнавсонь концерт. Теке чистэнть 19.30 часто кармить седямо Лахтинь Симфонической орхестасть.

Аштемковонь 17 чистэ 18-це чис Сибелиусонь Кудосонть юты «Поэтический марафон Лахти» фестиваль ды кармить важодеме ниле невтевкст.

VII Весемасторонь суоми-угрань Инекужонть анокстыцякс кармась «Суоми-Россия» Вейсэндявксось (Общество «Финляндия-Россия») лиянь суоминь пурнавкстнэнь марто, конат важодить суоми-угрань вейсэнь тевтнесэ.

VII Весемасторонь суоми-угрань Инекужонть утавтоманть ланкс ярмакт максть Суоминь Шкинемань ды тонавтомань Министерствась.

Весемасторонь суоми-угрань Инекужотнеде: I Весемасторонь суоми-угрань Инекужось ютась Сыктывкарсо 1992 иестэ (Россиясо), II Весемасторонь суоми-угрань Инекужось ютась 1996 иестэ Будапешт ошсо (Венгриясо), III Весемасторонь суоми-угрань Инекужось ютась 2000 иестэ Хельсинки ошсо (Суомисэ), IV Весемасторонь суоми-угрань Инекужось ютась 2004 иестэ Таллинн ошсо (Эстониясо), V Весемасторонь суоми-угрань Инекужось ютась 2008 иестэ Ханты-Мансийск ошсо (Россиясо), VI Весемасторонь суоми-угрань Инекужось ютась 2012 иестэ Шиофок ошсо (Венгриясо).


Невтевкст[править]

Источники[править]


Комментарии[править]
Викиновости, Викимедиа РУ и Wikimedia Foundation не несут ответственности за любые материалы и точки зрения, находящиеся на странице и в разделе комментариев.