Литературань ошсо - од сёрмадеень форум

Материал из Викиновостей, свободного источника новостей
Перейти к навигации Перейти к поиску
Geographylogo.png Лия кельтнесэ: русский • эрзянь

13 октября 2019
2019 иень таштамковонь 15-таштамковонь 21 чистэ Ульяновскойсэ ютась Россииянь, СНГ-энь, ды омбомасторонь од сёрмадеень XIX-це международной форум. Бажамозо: панжомс литературасо од лемть, вейсэндямс од сёрмадейтнень, кастомс ёрокчист, литературной журналтнэнь ды книжной издательстватнень вельде пачтямс ловныцянтень шкинемаст. 35 иеде а седе сыре сёрмадейтне тесэ яволявтыть эсь прядост, невтнить сёрмадовксост, конатненень путыть питне содавикс экспертт.



Форумов тердезельть кавтосядт ломанть, сядо кодгементне эйстэст од сёрмадыцят, ниленьгементне – экспертт, эчке литературной журналонь редакторт, критикть. Одтнэ кочкавсть пелькстамо вельде. Васня сынст туртов весе Федеральной округтнэсэ литературной журналтнэ (эрьва округсонть – вейке) ютавтсть Писательской мастерствань школат. Тов понгсть сеть, кинь произведениятненень рецензенттнэ (эйсэст кочки Социально-экономической ды интеллектуальной программынь фондось (ФСЭИП)) макссть покш питне.Мордовиясто Форумов якасть Татьяна Мокшанова ды Валерия Макарова.

Сехте вадря произведениятнень печатыть Россиянь ды омбомасторонь литературной журналтнэсэ. Эрьва ие Форумдо мейле лиснить «Новые писатели» вейсэнь пусмот, «Пролог» интернет-журналсо публикацият, нолдави «Молодая литература» авторской книгань серия, масксневить РФ-нь культурань министерствань стипендият, М.Горькой лемсэ литинститутов рекомендацият, благодарностть.

Форумонь организатортнэ: Социально-экономической ды интеллектуальной программань фонд (Фонд СЭИП), Московонь ды Санкт-Петербургонь литературной журналт («Вопросы литературы», «Дружба народов», «Звезда», «Знамя», «Иностранная литература», «Костёр», «Москва», «Наш современник», «Нева», «Новый мир», «Октябрь», «Пролог», «Современная драматургия», «Юность»), Ульяновск ёнксонь правительствась. Лездыцяст – Президентской грантонь фондось, Печатень ды массовой коммуникациянь коряс федеральной агентствась.

Ульяновскоень ёнксось Форумонь ютавтома таркакс кочказь омбоцеде, ды а стяко: сон ютавты эрямос литературно-просветительской покш проектт, региононтень максозь «Россиянь литературной флагман» покш лемесь. Ульяновскоенть ули «ЮНЕСКОнь Литературань ош» сэрей статусозояк – Россиянь оштнэстэ сон истямо вейкине. XX-це юбилейной Форумось арсеви ютавтомс Московсо.


 

Источники[править]

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.