Невтемась «Тирень крайденть седей мельсэ» Араповонь Сашань покшчинтень

Добавить ссылки
Материал из Викиновостей, свободного источника новостей
Лия кельтнесэ: русский • эрзянь

19 ноября 2019 года

2019 иень сундерьковонь 5 чистэ Музеенть Дубинкань филиалсонть панжовсь «Тирень крайденть седей мельсэ» невтема, кона алтазь Александр Араповонь эрзянь валморозеенть лемтнемадонзо (60-це ие чачома чинзэ эйстэ).

«Тирень крайденть седей мельсэ» невтеманть панжомась. Сон алтазь Александр Араповонь, эрзянь валморозеенть 60-це иенть чачама чинтень. МРОКМ имени И. Д. Воронина -нь Дубинькань филиалось (Дубенькань краеведениянь музей). Мордовия Республикась, Россия. 2019 иень сундерьковонь 5 чи.

Араповонь Саша чачсь 1959 иестэ Кенде велесэ. Прядызе М. В. Ломоносов лемсэ МГУ-нь журналистикань факультетэнть. Важодсь «Мордовский университет» саранонь кулялопасо, 2000 иестэ саезь «Сятко» ковставксонть прявт редактор. 1994 иестэ ульнесь принязь Россиянь сёрмадеень Вейсэндявксос. Сёрмадсь эрзякс ды рузонь кельсэ. Сонзэ валморонзо печатазельть Россиянь ды омбомасторонь ламо вейсэнь пурнавкссо (Венгриясо, Эстониясо, Финляндиясо). Ульнесь нолдазь валморонь пурнавкст: «Вайгель» (руз. «Голос» 1990 и.), «Вальма» (руз. «Окно» 1992 и.), «Взмах» (2001 и.), «Мейле» (руз. «После» 2006 и.). Ютавтома тевензэ кис валморозеесь теезевсь М. А. Кастрена лемсэ Омбомасторонь Суоми-угрань литературань Ассоциациянь стипендиатокс. Араповонь содасызь кода эсьвалморонь морыцякс. Мордовиянь Заслуженной валморозей (2002 и.), «Литературная Россия» эрьва таргонть лауреат. Кулось 2011 иестэ.

Дубинкань СОШ-нь 8-це классность тонавтыцятне «Тирень крайденть седей мельсэ» невтеманть панжомась. Сон алтазь Александр Араповонь, эрзянь валморозеенть 60-це иенть чачама чинтень. МРОКМ имени И. Д. Воронина -нь Дубинькань филиалось (Дубенькань краеведениянь музей). Мордовия Республикась, Россия. 2019 иень сундерьковонь 5 чи.

Минек невтема-вастомантень минь тердинек валморозеень ве велень эрицятнень, конат содылизь ды мельсэ кирдить сонзэ, куншка буень библиотекань ды «Новая жизнь» кулялопань редакциянть важодицятнень, косо А. Арапов ульнесь свал инжекс. Ульнесть Дубинкань СОШ-нь 8-це классонь тонавтницятне, сынь састь аволь чаво кедь марто: сынь ловность валморот, конань сёрмадынзэ Саша Арапов — тиринь мастордо, косо чачсь валморозеесь. Ламо вадря валт ёвтасть минек инжетне. Пек вадрясто ледстнесть, «Сятко» кавставксо сонзэ марто важодицясь Любовь Дергачева. Ульнесть моразь знярыя Араповонь морот эрзянь кельсэ.

Прядовсь вастовомась вейсэнь фотосо, лемтнемас.

Источники[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.



Источник — https://ru.wikinews.org/w/index.php?title=Невтемась_«Тирень_крайденть_седей_мельсэ»_Араповонь_Сашань_покшчинтень&oldid=15894632