Нырысьсэ историын Удмурт кыллэн нуналыз ортчытэмын

Материал из Викиновостей, свободного источника новостей
Мукет кылъёсын: русский • эрзянь • удмурт

7 декабря 2018 года


27-тӥ шуркынмонэ 2018-тӥ аре Россиын но кунгож сьӧрын ортчиз Удмурт кыллэн калыккуспо нуналыз. Праздник ёрсатэмын Удмурт Республикалэсь «Удмурт Республикалэн кун кылъёсыз но Удмурт Республикаысь калыкъёслэн мукет кылъёссы сярысь» катсэ 27-тӥ шуркынмонэ 2001-тӥ аре кутон борды. Со катъя удмурт кыл Удмуртиын кун статусэз басьтӥз.

Нунал азьын, вордӥськонэ, 26-тӥ шуркынмонэ, Венгриысь Будапештысь Этвёш Лоранд нимо университетлэн финн-угор кафедраяз ортчиз практической уж — «Нуллӥсен удмурт кыл» — венгер студентъёс быгатӥзы практикаын Удмурт кун университетысь дышетӥсьёсын но удмурт студентъёсын вераськыны.

27-тӥ шуркынмонэ 2018-тӥ арын Мускоын А. П. Чехов нимо библиотекалэн культурая центраз озьы ик удмурт кылэз данъян понна нимысьтыз праздникез пусъён вал.

Вечере люкаськем куноосты ӟечкылаз МУШ ужан группаысь активист, Удмурт кыллэсь нуналзэ радъясь Артём Малых:

«Ми кариськимы Удмурт кыллэсь нуналзэ кылдытыны, уго трос финн-угор калыкъёслэн сыӵе праздниксы (прим. — Кыллэн нуналыз) вань. Нош удмуртъёслэн гинэ ӧй вал удмурт кыллы сӥзем ас праздниксы. Оскиськомы, Удмурт кыллэн нуналыз луоз ӟеч традиция шуыса, кудӥз милесьтым трос аръёслы кемагес улоз.»

Глафира Никольская, педагогика наукаосъя доктор, профессор, Удмурт Республикаысь но Россия Федерациысь наука удысысь дано ужась:

«Ваньдэс та праздникен ӟечкыласько, ӧдъясько, арлы быдэ со мед луылоз шуыса, мед зэмос луоз шуыса, ваньмыз милям калыкмылы, кылмылы, сямъёсмылы яратонэн но саклыкен мед тырмозы шуыса. Куке мон анай кылын вераськыны кутскисько, мынам пельпумъёсы шонерско, мон ачык луисько, мон психологически тыпак мукетыз луисько.»

Мускоын Удмурт кыллэн нуналаз куноос но вал, Чуваш Республикалэн Россия Федерациысь президент бордын ужаны оскем муртэзлэн воштӥсез Лидия Седойкина пусйиз:

«Лэзелэ вань чуваш калыклэсь удмурт калыклы салам вераны но самой умойзэ, сяськаяськонэз но азинлыкъёсты сӥзьыны. Выльысь мынам тодам лыктэ, макем узыр луэ асьме Россия, татын Мускоын уло 190-лэсь ятыр йӧскалыкъёс но, муртъёс 300-лэсь трос диалектъёсын верасько. Кыл асьмемыз огазея, кыл луэ соиз, мар юрттэ культурамес, сямъёсмес утьылыны. Сӥземе потэ, Удмурт кыллэн нуналыз ӟеч традиция мед луоз шуыса, быгатэмлыкъёс тӥледлы!»

Любовь Амбарцумян, «Удмуртское землячество» РОО-лэн президентэзлэн воштӥсез:

«Самой валтӥсьсэ сӥземе потэ ваньмызлы, адямиос удмурт кылэз дышетыны мед ӧдъялозы но асьсэзыз удмуртъёсын мед шӧдылозы шуыса. Соослэн удмуртъёс луэменызы мед йӧнъяськылозы но!»

Нырысетӥ доклад луиз удмурт кыллы дышетӥсьлэн, МУШ-ысь активистлэн Ольга Урасиновалэн удмуртъёс но удмурт кыл сярысь обзорной лекциез. Удмурт кыллэн нуналаз кыктэтӥ доклад лэсьтӥсь луиз филологи наукаосъя кандидат, финн-угор калыкъёслэсь куараё архивъёссэс эскерись Виктор Николаевич Денисов. Со куноослы кык ивортонъёс лэсьтӥз — удмурт кыллэн туала интыез пумысь, озьы ик удмурт кыллэн нырысь аудиогожъямъёсызлэн историзы сярысь.

Удмуртиын кыл ситуация сярысь ас докладаз Виктор Денисов пусйиз, удмурт кыллэн статусэз республикаын фактически пумозяз зэматэмын ӧвӧл, но институтъёсызлэн вотэссы арысь аре ӧжытоме шуыса. Удмурт кыллэн нырысь аудиогожъямъёсызлэн историзы сярысь докладын Денисов пӧртэмесь источникъёсыз эскериз, озьы ик со кылзӥсьёслы включить кариз Австро-Венгрие лагерьёсы интыям удмурт военнопленнойёслэсь гожъям куараоссэс, Кузебай Гердлэсь гожъям куаразэ, гожъяськись Михаил Петровлэсь куаразэ, удмуртъёслэсь 1930-тӥ аръёсы экспедициос дыръя люкам кырӟанъёссэс, со сяна палэнысь удмуртъёслэсь венгер исследовательёсын Ласло Викарен но Габор Берецкиен люкам кырӟанъёссэс.

Санкт-Петербургын «Санкт-Петербургысь удмуртъёс» огазеяськон ортчытӥз удмурт кылэн тодматӥсь ужрадзэ: ӝӧквыл шудонъёсын шудӥзы, удмурт кылын мультфильмъёсыз учкизы. «Удмурт калыклэн улон-вылонэз» фото-адӟытон но йӧскалык сиёнэз дегустация праздниклэн куноосызлы та ӝытэз чебератӥзы.

Источникъёс[править]

Оригинальный репортаж
Оригинальный репортаж Викиновостей

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.