Эрзянь викис витни-петнийтне тейсть омбоце Россиясо Викимедиянь пурнавкс

Материал из Викиновостей, свободного источника новостей
Лия кельтнесэ: русский • эрзянь • башҡортса

6 марта 2017 года

«Эрзянь кельсэ Викимедиянь витнийть-ветийть» (UG EZY):Wikimedians_of_Erzya_language_User_Group/myv Пурнавксонть чама-артовксозо
В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.
Рузонь версиясь пурнавксонть чама-артовксонть
УГМК-нь музейсэ. «Россиянь Пиже-кшнинь прявтош» Вики-экспедициянть улицятне Зуфар Салихов (UG BAK) ды Андрей Петров (UG EZY) ваныть книганть. Верхняя Пышма, 2016 иень ацамковонь 9 чистэ
«Торама» панжи V Эрзянь Инекужонть «Тюштя» моросонть. Саран ош, 2016 иень медьковонь 7 чи

Wikimedia Foundation омбомасторонь фондось, кона вети Википедиянь, кемекстызе «Эрзянь кельсэ Викимедиянь витнийть-ветийть» Пурнавксонть» (англ. Wikimedians of Erzya language User Group) тееманзо — ломанень вейсэндямось, кона карми келейстэ ветямо Викимедиянь проекттнэнь эрзянь кельсэ. Истямо пурнавксонть хормась максы вишка, эли аволь ламонь вейсэндязь викис витни-петнийтненень, конат улить Викимедиянь потсо, тевень ветямо.

Седе покш вейсэндязь пурнавкст, конатат теезь юридической чама-юр марто, ды конатнень лемдить «чаптерт», сынь улить эрьва масторсо. Россиясо, истямо «чаптерекс» ульнесь теезь 2008 иестэ «Викимедиа РУ». Сон лезды сравтовомс олячинь содамочитнень Россиянь Масторсо. Васенце шкасто «Викимедиа РУ» ульнесь кода Wikimedia Foundation пелькс, ансяк ней сон аволь сонзэ кедь ало, ды сонзэ ули эсензэ лопазо ru.wikimedia.org Интернетсэ. Зярс вики-проектнэ кайсть ды келейгавтсть, кармась стака важодеме «чаптертнень» трокс, секс Фондсонть ульнесь кемекстазь «совицянь пурнавкст» — истя седе шожда кармась тееме вейсэнь важодемат викисэ витни-петнийтнень ютксо. Васенцекс, истят пурнавкстнэ савсть лезэвкс Википедиянь вишкинька келень вейсэндявкстнэнень — саемензэ, пелькст Россиянь Википедиятнень ламо кельтнесэ.

Истя, 2015 иестэ появась «Викимедийцы Башкортостана» (UG BAK) пурнавксось, сонзэ васенце смустезэ келейгавтомс Википедиянть лы дия проекттнэнь башкирэнь кельсэ. Сонзэ тевтнеде сёрмады Викикулят (сёрмадозь лопатне вант), ды сынь теизь башкирэнь кельсэ пелькс Рузонь Викикулятнесэ. UG BAK вейсэ важоди «Викимедиа РУ» марто, Башкириясто кучозь ломантне сакшныть эрьва россиянь вики-конференциянтень. 2015 иестэ Башкирэнь прявтуниверситетсэ вадрясто ютась васенце башка башкирэнь вики-конференция, кона ульнесь лемдязь «Вики-Сабантуй» (эйсэнзэ ульнесть башкирэнь ды рузонь келень пелькст). Башкирэнь викис витни-петнийтне васенценть, кить тердизь сёрмадомо Википедияс сыре ломатнень: проектэнть лемдизь «вики-бабинеть».

«Эрзянь кельсэ Викимедиянь витнийть-ветийть»пурнавксось (UG EZY) — те омбоце истямо Россиясо теевксэсь, сон карми тееме вики-проект эрзянь кельсэ, конасонть кортять эрзят. (Эрзянь Википедия) — сон вадрясто касы сёрмадовкссо, неень шкасто 3550 седе ламо лопат. Ульнесь панжозь 2008 иестэ. 2015 иень панжиковонь 16 чистэ ульнесь сёрмадозь 2000-це лопа. 2016 иень медьковонь 4 чистэ ушодызе сёрмадоманть Викикулят эрзянь кельсэ.

Пурнавксонть кемекстамось ульнесь теезь ютазь иенть прядомсто, ульнесь вайгелень каямось ды кортамот, ды лия вешевкст: эрявикс сех аламо витнемат-петнемат проекткссенть, эрявикс важодицят, ды смустев арсемат мезе, коли ды кода карми тееме эрзянь кельсэ пурнавксось. Теде кортась Эрзянь Википедиянь администраторось Андрей Петров:

«Содатадо, вадря теевксэсь те паро педявтома! Ули мелем ёвтамс сюкпрят «Башкортостанонь Викимедиянь ветийтнень» тень кис. Минек вейсэндявксонтень сась мельс саема, пароль улевель кода башкирэнь «вики- бабинетненень» саволь инжекс эрзянь «вики-атинеть», эли шабрацек совавольть «вики-бабинеть»... Бути кортамс алкуксонь коряс, тень пек мелезем тусь кода пурнавксось вейсэндявсь ды кода кармась виевстэ башкирэнь кельсэ олячинь содамочинть сравтомонзо.»

Россиясо улить Википедиянь пурнавкст лия кельсэяк, истят кода: удмуртонь, маринь, якутонь ды седе тов.

Ютыть эрьва-кодат вастовомат: невтема, cуоми-угрань кельтнесэ кортыцянь, (конататнень ютксо эрзяньсеськак). 2016 иестэ ютась Уралонь вики-семинар Иж ошсо, кона ушодызе «Вики-Урал» пелькстамонть. Неень шкасто Йошкар-Оласо молить анокстомат «Вики-пайрем» конференциянтень, конасонть кармить виевгавтомо маринь викис витни-петнийтне.

Эряви кемекстамс, неть улематне олячинь проектнесэ а максыть киненьгак Википедиясо важодемасонть сех вадрянь статус, эли тевс нолдама — кода сёрмадозь васенце юронь меремасонть, весе улицятне витнема-петнемасонть вейкеть ды сынь топавтыть кемекстазь вешевкстнень. Викимедиясь лезды викис витни-петнийтненень кортнемс, невтемс одтненень ютазь-теезь тевтнень, тердемс одт ды тонавтомс сынст. Википедиясь лезды ванстомо, ды виевгавтомо келень шкинеманть, — Россиянь ламо кельсэ кортыцятненень те пек эрявикс.


Лисьмапрят[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.