Карелиын ортчиз Финн-угор вики-семинар

Мукет кылъёсын: башҡортса • русский • удмурт • эрзянь • livvinkarjala

13 мая 2016 года

category = Поттэмын category = Викимедиа РУ notcategory = Не публиковать notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist>

Петрозаводск

category = Поттэмын category = Петрозаводск notcategory = Не публиковать notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

6-тӥ-9-тӥ куартолэзе Карелиын ортчиз финн-угор кылъёслы сӥзем III калыккуспо вики-семинар. Отчы пыриськизы Финляндиысь, Эстониысь но Россилэн пӧртэм улосъёсысьтыз гожъясьёс, тодосчиос но финноугристикаен тунсыкъяськисьёс.

Финн-угор вики-семинар ортчытӥське Викимедиялэн проектъёсыз (Википедия, Викиданные, Викигид но трос мукет) бордын ужасьёслэсь тодон-валанзэс будэтон, шуг-секытъёссэс валче сэрттон-пертчон понна.

4 нунал ӵоже люкаськемъёс лыдӟизы но кылзӥзы пичи кылъёслы сӥзем Википедиос сярысь докладъёс, пыриськизы Википедиосыз азинтонлы сӥзем мастер-классъёсы, озьы ик вераськон мынӥз Википедиез финн-угор культураез но кылъёсыз вӧлмытон но паськытатон понна кутон пумысен. Вань кенешонъёс бере семинаре пыриськемъёс веразы огъя малпанзэс ужрад сярысь но шараязы ӵектонъёссэс вуоно семинаръёслы. Нялтас верано на, вуоноез вики-семинар ортчоз Ижкарын куарусён толэзе.

Вань докладъёсыз лыдӟем но кылзэм бере, берпуметӥ нуналаз, милемлы шуд усиз вуылыны вики-экскурсие Кижие. Быдэс дуннелы тодмо, пулэсь лэсьтэм черкъёс зэмзэ но туж синмаськымонэсь вылӥллям! Нош соос дорозь вутӥ яке омыртӥ гинэ вуыны луэ, шормуӵозь одӥг но сюрес ӧвӧл.

— Удмурт Википедия понна, вань мукет Википедиосын ӵошатыса, та семинар тужгес трос пайда вайиз, дыр, — шараяз малпанзэ Петрозаводскысь ужрадэ пыриськем Елена Рябина. — Тодмо луиз, Википедимес Яндекслэн переводчикеныз герӟазы шуыса, табере мукет кылъёсысь статьяосыз удмуртэ берыктыны капчигес луоз. Со сяна, Википедие пӧртэм файлъёсыз тырыку, соос сярысь одно ик англи кылын гожъяно уз луы, ӟучен но яра (азьвыл кулэ вал англиен).

Удмуртъёс шараязы на малпанзэс матысь дыре вики-вожвылъяськон ортчытон сярысь. Отчы котькин пыриськыны быгатоз. Вормисьёс дуно кузьымъёсын пусъемын луозы.