Дербентда вики-семинар кьиле фена

1-3 сентябрдиз Дербент шегьерда Дагъустандин сифте вики-семинар «Дагъустандин халкьарин чӀаларин Википедия вилик финин суалар» кьиле фена.

Семинардин бине кутурбур НП «Викимедиа РУ»-ни Фонд «Дебент» тир, Лезги Миллетдинни Медениятдин ФедерациядинДережадин Автономия тир. Мяректдин спонсор РИА «Дербент» тир, гьадан пресс-центрда вири кар кьиле фейидини тир.

Семинардин кӀвалахдик 20 касдилай пара квай: «Викимедиа РУ»-дин чӀехиди Владимир Медейко, Фонд «Дербент»-дин директордин куьмекчи Амил Саркаров, Лезги Википедиядин администратор Олег Абарников, Урус Википедиядин администратор Дмитрий Жуков, Башкир Википедиядин бюрократ Зуфар Салихов, Эрзя Википедиядин администратор Андрей Петров, «Викимедия РУ»-дин иштирак Ришат Сайфутдинов, мадни гьар жуьре пешейрин ксар — филологар, шаирарни масадбур.

Башкир Википедиядин кӀвалахдикай ахъайна Зуфар Салихова ахъайна. Мярекатдал алайбуруз къалурна видео-приветствие. Вичин кӀвалахда Салихова ихьтин эхир гана: Аламатдин меденият, вичинвал, девлетлу фолклорни пара миллетар авай Дагъустандин тарих хъсандаказ чирнавач гьелелигни. Дагъустандин чӀаларал Википедия вилик тухванайтӀа а кар дуьз хъжез мумкинвал жедай, ана гьардавай вичин чирвилер масадбурухъ галаз пай жедай, ада лагьана.

Андрей Петрова ахъайна «Эрзя чӀалал кхьизвай Викимедистар» юзер-группадин кӀвалахдикай. Эхирда ада лагьана: Чун атанва иниз, Дербентдиз, дагъустанвийрикай азад чирвилер хуьнинни пай ийидай гъетер ктун патал. Пара важиб кар я, Урусатда пара миллетар авайди. Гьавиляй чунни гьазур я чи дустариз цифрадиз девирдиз гьахьиз куьмек гуз. Заз лапни пара кӀанзава, Урусатдин сиягьда ци чахъ мад са юзер-группа хьана. Заз мурад ава, а группа Дагъустанда туькӀуьр хьана.

Алай чӀавуз Дагъустан Википедияда пуд разделди къалурзава — Авар, Лак мад Лезги Википедияди. Виридалайни ацӀурнавайди, вилик гвайди Лезги Википедия я, ада 3847 макъала ава. Авар чӀалал 2311, Лак чӀалан раздел са шумуд йис я са кӀвалахарни тефена, 1211 макъала аваз.

Лезги Википедиядин администратор Олег Абарникова эхирда лагьана: Заз вичиз акуна гьикӀ инин жемятдиз Википедиядин кӀвалахчийрихъ галаз кӀвалах ийиз кӀанзаватӀа. И мукьвара мектебрин регьбервилерихъ галаз алакъаяр ктӀуна алай йисан эхир къведалди зун мад Дагъустандиз хтун мажбур жеда, лап дериндиз, хуьрериз, семинарар мялимрихъ галазни кӀелзавайбурухъ галаз тухун патал. Чи фикирар кьилиз акъат авуртӀа, кӀелзавайбуруни мялимри санал Википедияда макъалаяр туькӀуьриз эгечӀда. Гуьгъуьна а кар маса регионрални гьукуматрал гегьеншар жеда. Алай чӀавуз за туькӀуьрнава зи теклифунар, ятӀани абур са планда эцигна кӀанда гуьгъуьна кьилиз акъудун паталди. ГьакӀни зун гьар жуьре халкьарин ксарихъ галаз рахана заз чир хьанва са мумкинвал авайди, чаз гила мад цӀийи кӀвалахдайбурни цӀийи чӀаларин разделар Урусатдин халкьарин арада аквадайди.

Фонд «Дербент»-дин директордин куьмекчи Амил Саркарова лагьана: Семинар пара хийир кваз фена, иштиракар пара авачиртӀани. Зал атайтӀа, чавай виридалайни важиб авай суалриз жавабар гуз хьана — вуч хийир Википедиядивай гъвечӀи халкьарин чӀалар хуьн патал гуз жедатӀа. Заз сагърай лугьуз кӀанзава Урусатдин Википедиядин векилриз, гьакӀни урус, башкир, эрзяни лезги Википедийрин администраторриз, гьи кар паталди Дербентдиз атай. Им пара важиб авай мярекат я Дагъустандинни маса халкьар патал. Чахъ мурад ава, и мукьвара Дагъустандин исятда авай Википедиядин разделра чпин юзер-группаяр туькӀуьр хьунин, инкубаторра авай разделарни халис бур хьунин. Ахпа а кар патал пара кӀвалах авуна кӀанда, цӀийи ксар эвер гун патал. Гьа кар патал зал атайтӀа виридалайни сифте авуна кӀани кар халкьарин миллетдин интеллигентрихъ галаз алакъа туькӀуьрун я. Вични мектебрин директоррихъ галазни хайи чӀалан мялимрихъ галаз.

3 сентябрдиз Дербентда иштиракриз Вики-экскурсия тухванвай. Пара еке аламат кваз википедистар Дербентдин цлални Нарын-Къаладал фена.