Перейти к содержанию

«Эрзянь Мастор» кулялопась кармась лиснеме олячинь лицензия ало

Добавить ссылки
Материал из Викиновостей, свободного источника новостей
Лия кельтнесэ: русский • эрзянь

23 августа 2017 года

<dynamicpagelist>

category = Нолдазь category = Эрзянский язык notcategory = А нолдамс notcategory=Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Андрей Петров (1980) notcategory = А нолдамс notcategory = Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Викимедиа notcategory = А нолдамс notcategory = Викиновости коротко count = 5 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

«Эрзянь Мастор» кулялопанть нолдыцянзо (Евгений Четвергов ды Григорий Мусалёв)

Эрзянь Келень Идема Фондонть кулялопась «Эрзянь Мастор» ютавтынзе весе материалонзо Creative Commons лицензиянть ало. 2017 иень медьковонь 31 чистэ 502-це № кулялопанть нилеце лопасонть появась истямо сёрмадовкс:

«Все материалы газеты «Эрзянь Мастор» доступны по лицензии: Creative Commons Attribution 4.0 International.»

Теке сёрмадовкскесь ашти кулялопанть прявт интернет вальмасонть, косо максовить эрзянь ды рузонь кельсэ сёрмадовкстнэ.

Те теевксэсь кармась улеме «Эрзянь кельсэ Викимедиянь витнийть-ветийть» куронть марто вейсэ важодеманть эйстэ. Кода тешкстызе «Эрзянь Мастор» кулялопанть редакторось Кузоваткинань Ольга:

«Миненек пшкадсь «Эрзянь кельсэ Викимедиянь витнийть-ветийть» куронть ветицясь Петрянь Андю вешема марто, ютавтомост кулялопанть, кода конёвоньсенть, истя электронной лувсонтькак олячинь лицензияс. Минь васенцеде тень марто тень марто вачкодевинек, домкасто тень коряс арсинек, ды ве мельс прынек. Кода мон арсян, истя теезь минь макстано весенень олячистэ сравтовомс информациянть эрзянь раськеденть, кельденть, культурадонть. Те тееви видстэ, редакцияв а пек вешезь. Копирайтось ансяк пексты информациянть сравтовомо. »

Ледстясынек, электронной лувсо информациянть пурнамось-анокстомась, ды сонзэ сравтомась – те Викимедиянь вейке тев, ды «Эрзянь кельсэ Викимедиянь витнийть-ветийть» пурнавксось-курось (UG EZY) бажи келейгавтомо сонзэ эрзянь кельсэ. Аволь вейке ие вадрясто касыть Эрзянь Википедиясь, Викикулят, ды Викикундо проекттнэ. Кода кемексты Петрянь Андю UG EZY-нь ветиесь:

«Келесь эри сестэ, зняро сон ули ломанень эрьва эрямо ёнксонзо, интернетсэяк. Тень коряс кодаткак пелькстамоткак а эрявить. Кельтне, конатат «кенерить озамо те чугункань ардомантень» кармить эрямо сы пингесэнть. Неень шкасто интернетсэ аволь пек ламо вальмат эрзянь кельсэ. Келень эрямос совавтомась, эйкакшонь ды од ломанень туртов эрзянь келень тонавтомась карми седе шождасто зярдо карми ламо олячисэ информациядонть. Панжадо информациясь – те прявт лув Викимедиянь проктнесэ, ды сынь важодить весе олячинь лицензия ало. Ней вана, «Erzyaks.ru» порталонть башка олячинь лицензиясь ули «Эрзянь Мастор» кулялопань вальмасояк. Эрзянь Кулянь пачтямонь керькстнэнь (рус. СМИ) ютксо сон вейкине. Сюкпря редакциянтень те эрявикс ды лезэв эскельксэнть кис. »

Невтема:
эрз. «Эрзянь Мастор» (рус. «Страна эрзян», англ. «Erzia Land», ПИ № 77-16130, 2003 иень умарьковонь 11 чи) — те эсьмельксэв вейксэнь эрзя раськень кулялопа, кона лисни Сарансо. Теицязо ульнесь Рябов Анатолиень лемсэ Эрзянь келень идема ярмакпаргось 1994 иень таштамковсто. Лисни ковонть кавксть эрзянь ды рузонь кельсэ.

Логотип юзер-группы «Викимедийцы, пишущие на эрзянском языке»
«Эрзянь кельсэ Викимедиянь витнийть-ветийть» Пурнавксось (UG EZY) (рус. Юзер-группа «Викимедийцы, пишущие на эрзянском языке», англ. Wikimedians of Erzya language User Group) — омбоце россиясо Викимедиянь кемекстазь куро (васенцесь — «Башкортостанонь Викимедиянь витнийть-ветийть», (UG BAK) англ. Wikimedians of Bashkortostan User Group). Те ломанень пурнавкс, конань ули пек покш мель Викимедиянь проекттэнь ветямо эрзянь кельсэ, ды лия эрьва-кодамо тевть марто, конат сюлмавозь эрзянь раськень, келенть ды пурнавксонть марто. Ульнесь кемекстазь 2017 иень даволковонь 16 чистэ.

Лисьмапрят

[править]
Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.



Источник — https://ru.wikinews.org/w/index.php?title=«Эрзянь_Мастор»_кулялопась_кармась_лиснеме_олячинь_лицензия_ало&oldid=15729648