«Вуоккиниеми (Вокнаволок) — Шкинемань суоми-угрань мирэнь прявтош 2017» иенть панжома

Лия кельтнесэ: русский • эрзянь

10 января 2017 года

Республика Карелия

<dynamicpagelist>

category = Нолдазь category = Республика Карелия notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist>

Общество

<dynamicpagelist>

category = Нолдазь category = Общество notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

«Вуoккиниеми (Вокнавoлок) — Шкинемань суоми-угрань мирэнь прявтош 2017» панжома, Елена Мокеева ды Елена Полюйко невтить Шкинемань прявтошонь тёкшонть. Костомукша ош, «Ялгаксчи» шкинемань-налксемань куншкатарка. 2017 ие якшамковонь 7 чи

2017 иень якшамковонь 7 чи стэ Вокнаволок велесэ ды Костомукшо ошсо ульнесь панжозь «Вуoккиниеми — Шкинемань суоми-угрань мирэнь прявтош 2017» иесь. Вейс пурнавсть: велень эрицятне, кие тосо чачсь, Карелэнь Республикань Костомукшонь ошонь кужонть администрациясь, Карелэнь Республикань вийкирьдиень кучовикстнэ, Россиянь ды Суоминь вейсэньломанень пурнавксонь улицятне ды тердезь инжеть.

Васняяк, кие сась валскень шкава невтизь Вокнаволок веленть. Пек мельс тусь одсто чувтосто путозь-чапозь тонавтнема ды эйдень кужонь кудотне. Теизь суоминь ярмак лангс, суомитьне. Велень Кудосо (карелэнь ды суоминь кельтнесэ Kylatalo) покш питнечи ды паро мель инжетне максть Карелэнь Шкинемань Музееньтень.

Покшчинть панжомо ульнесь максозь Карелэнь Республикань Костомукшонь ошонь кужонть администрациянть прявтонтень Анна Бендиковане:

Пек покш чись течи минек Вокновалок велесэнть. Минь каштанксчи марто кецятано, минек велесь теевсь Шкинемань суоми-угрань мирэнь прявтошокс. Кода вадря, истят проект улить, конат кепстить раськень шкинеманть, ванстыть раськесмустенть. Сюкпря сненень кие те проектенть теизь.

• 
  Бендиковань Анна

Ульнесь ливтязь сцена лангс Шкинемань суоми-угрань мирэнь тёкшсось. Те ине нармунесь карми иенть перть Вокнаволок велесэнть, сон карми панжомо эрьва-кодамо ютавтома чинть, сон карми вастомо ды кис ильтямо инжетнень. Сонзэ ускизь 2016 иень прядомаванть Искасентдьёрдь велестэ ды Веспрем ошсто, Мадьяронь Масторсто, косо ульнесь 2016 иень Шкинемань суоми-угрань мирэнь прявтошось. Лебедевань Татьяна, Вокнаволок велестэ, ды сон морась «Деревенька Вокнаволок» моронть. Пароль улевель сонзэ ютавтомонзо карелэнь кельскак.

Ледстясынек, «Шкинемань суоми-угрань мирэнь прявтош» проекттэсь — те МАФУН-онь (Одломанень Суоми-угрань раськень Вейсэндявкс). Сон максы касома суоми-угрань раськетьнень эрямо таркатнень искусствань ды шкинемань полавтомасо. Веси инжетнень паро валсо вастась Петра ошонь ды Ленинградонь ёнксонь МАФУН-нь Ветикурос совицясь Петровонь Андрей:

Паро мельсэ шумбракстнетяно од Шкинемань суоми-угрань мирэнь прявтошонть! Шкинемань прявтошонть аволь шожда тевезэ — улемс шкинемань эрямопизекс ды ламо масторсто суоми-угрань раськетнень алдомолиця тевень чачомакс; ды весе масторонтень невтемс суоми-угрань шкинеманть ламоксчинть. Минь кемтянок, Вуoккиниеми парочисэ карми кандомо Шкинема прявтош лементь. Иесь карми цитордыця валдокс тевень ды покшчинь коряс, а сонсь велесь карми неезь ды саи сяткине эсист шкинемань, туристэнь ды экономикань касоматнева. Минь кенярдтано ялгаксинь толось ды уралонь раськетнень вейсэндямось 2017 иестэ карми молеме карелэнь тевтеитнень лездамосо.

• 
  Андрей Петров

Мейле валонть саизь инжеть Суоминь Масторсто. Эва-Кайса Линна, Карелэнь шкинемань вейсэндявксонть прявтось кемекстась:

Вечкевикс ялгат, васняяк минек ушодовсь сёрмадома лувось, ульнесь кортамонь, ды весе содамочись молсь курксто-кургс ды истя ванстовсь раськень ледстнемасо. Эйсэнзэ ванстовсь превейчись, рунатнэ ванстасть содамочинть, шкинеманть, раськенть искусстванть ды эрьва мезенть, конань аэряви содамс весинень. Фольклоронь улемась кой-кинень те ташто ды аэрявиксэкс, ансяк минь сонзэ а ставтано ды пек сеетьстэ тесэ ульнитяно (Вокнаволоксо). Тесэ ули се, мезе эряви ванстомс карелэнь эськоень шкинемасонть. «Калевала» — те пек вадря морокерьксэсь, ды ульнесть нейгак улить ламо кевкстемат кинь сон: суоминь эли карелэнь шкинемантень? Сонзэ, тия, не таркатнева пурнась Элиас Лёнротт, кона ульнесь суоминь келень юронь теицякс-чапицякс. Неень шкасто содыйтне кемекстасть, эряви те морокерьксэнть невтемензэ ды содавтомонзо келень содыцятнень-кандыцятнень марто. Сынь мерить те морокерьксэсь карелтнэнь, ды сонзэ эряви ютавтомс карелэнь кельс. Секс, 2015 иестэ Карелэнь шкинемань вейсэндявксось нолдызе Калеваланть эсь карелэнь кельсэ. Минь карматано тукшномо те пусмонть ды казямо те иенть перть сех малавикс Шкинема прявтошонть инжетненень. Весе суоми-угрань мирэст карми вано минек веленть мельга. Секс, эряви тень коряс аштемс, ялгат!

• 
  Эва-Кайса Линна

Сари Хеймонен, Вуoккиниеми пурнавкс (Vuokkiniemi seura), Суоми Мастор:

Мон чачома таркам тестэ. Кода меля ульнесь Ильянь Чись, мон кеминь ды содылинь минь карматано изницякс! Мекс минь саинек ашконть те проекттэнть топавтомонзо? Сон эряви велентень ды эриця ломантненень тесэ. Пек кеман, Шкинемань прявтошось максы од эрямокошт, карми касомо эрямотаркась, ды кадык нуцькан ды нуцькань нуцькам кармить само тей. Кадык весе тесэ цецяволь! Мон карман лездамо весенень!

• 
  Сари Хеймонен (Sari Heimonen)

Маркку Ниеминен, Юминкеконь лемсэ Фонд, Кухмо ош:

Вечкевикс велень эрицятне ды инжеть! Мелезем пек паро улемс тесэ чистэ, коли Вокнаволок тееви Шкинемань суоми-угрань мирэнь прявтошокс. Теде башкаяк, Вокнаволок веленеь кавто пингеде седе ламо — те весе мирэнь карелэнь шкинемань куншкатарка, ды сон содавикс. Те шкинемась, конань ванстыть велень эрицятне истямо питней, арсянь сынь коли-коли ачарькодить кодамо сон эрявикс. Эрямось ульнесь стака: ойнань шкасто ламотнень тесэ панизь лия таркав эрямо; 1956 иестэ кармасть а мереме тонавтомо карелэнь ды суоминь кельтнесэ школасо; ютазь пингень 70-це иетнестэ кардасть кортамо пакшатнень марто. Ансяк тень лангс апак вано, келесь ды шкинемась кадовсь эрямо! Те иесь карелэнь раськень ие, вокнаволоксо эрицят, те тынк иесь. А минь ялганк, кить тынк марто ульнесть, карматанок лездамо тенк.

• 
  Маркку Ниеминен (Markku Nieminen)

Клеерова Татьяна, МККФУН-нь прявт (Петроской ош):

Мон пек каштанчисан, Вокнаволок теевсь Шкинемань суоми-угрань мирэнь прявтошокс. Те од ломанень проекттэсь, ансяк минек ули мель невтеманзэ карелэнь шкинеманть, карелэнь меленть. Мон-монсь карелан ды кортан се карелэнь кельсэ, конатасонть кортыть Вокнаволоконь, Ухта таркатнесэ ды весе кить эрить Куйта эрькенть вакска. Минек пек мазы шкинеманок, минек пек домкат ундоксонок те мода масторсонть. Минек эряви невтемс сне ломатненнеь кить эрить те модасонть - минек шкинемась эри ды минь пек прянок шнакшнанок сонзэ кисэ. Мон ёвтнинь теде, мон ускинь ды ёвтнинь шумбракстнематнень Вокнаволоконь эрицятненень Искасентдьёрдь велестэ — 2016 иень Шкинемань суоми-угрань мирэнь прявтошонть пельде. Монь ули мелем, миненек эряви вейсэндявомс истямо проекттнэнь курова, сынь кепедить ойменть, максыть од лексема, сынь вановтыть мирэнь валдосто ды цитордозь. Ансяк икелев молема, арсян те проекттэсь минек вейсэндявтсамизь!

• 
  Татьяна Клеерова, ККФУН-нь прявт

Покшчинь прядомадо икеле сценанть лангс листь инжеть Удмуртиянь Масторсто, Ташто Быгы велестэ, сынь ульнесть васенце Шкинемань суоми-угрань мирэнь прявтошокс. Ульнесь те 2014 иестэ. Мызы удмуртонь кельсэ моросо, удмуртокс оршазь сынь вастызь весе пурныцятнень. Ташто Быгы веленть администрациянь прявтось Нина Беляева ушодсь кортамо:

Паро чокшне марто ялгат, малавикс раськенек! Самс истямо васолосто ды морамс вейке моро, те пек аламо! Минь ардынек колмо чинь-вень седе ламо кувалма, секс кортан аламодо... «Шкинемань суоми-угрань мирэнь прявтош» проекттэнть минек велесэ появась од ярсамонь фестиваль «Быг-Быг», кона ютавтови медьковсто. Валдо седейстэ саезь кучтан тенк поздоровт те од леменк марто. Ды те пек покш тев тенк. Содан, ярмакт ламо арасить, сынь колияк арасть. Минь 2014 иестэ ютавтынек 5 омбомасторонь покшчить, 20 россияньёнкссонь. Кавто ковс саезь минек велесэ ульнесть 4 тежа инжеть-туристт. Те покш важодема! Минек веленек кармась цецянь пусмокс! Не вана удмуртонь тейтерькатне-цёратне важодить 27 част чинть-венть! Мелем ули тень седе ламо важодемс, ды теемс эрьва кодат тевть, аволь ансяк шкинемасояк!

• 
  Ташто Быгы велестэ инжеть, Удмуртиясто

Панжома чинть ветицякс ульнесть: Елена Мокеева ды Елена Плюйко. «Вуoккиниеми — Шкинемань суоми-угрань мирэнь прявтош 2017» иенть панжомасонть важодиця кельтне ульнесть рузонь ды суоминь.

Невтема:
«Шкинемань суоми-угрань мирэнь прявтош» — те программа МАФУН-онь, кона максы касома мастортнэнень косо эрить суоми-угрань раськеть. Макови шкинемань ды искусствам мазычинь ёрокчисэ. Те программась ульнесь нолдазь тевс 2014 иестэ. Васенце Прявтошокс ульнесь Ташто Быги велесь Удмуртиянь Масторсо. 2015 иестэ те тешкстэнть кандсь сетунь Обиниця велесь Эстэнь Масторсо. Суоми-угрань Шкинемань Прявтоштне 2016 иестэ кармасть Искасентдьёрдь веле ды Веспрем ош, Мадьяронь Масторсо. 2017 иень Шкинемань Прявтошокс кочказь Вокнаволок карелэнь велэсь. Седе кувакасто ловнок теде — www.uralic.org. МАФУН (Молодёжная Ассоциация Финно-Угорских Народов) — суоми-угрань ды уралонь (самодиень) раськень одломанень вейсэндявксонь пурнавкс. МАФУН теезь келень ды шкинемань уралонь раськень лездамонтень, кона карми кемекставтомо суоми-угрань раськетнень юткова, мастортнэва ды ёнкстнэва.

Ванодо фотокувт седе ламо:

• 
  «Катая» фол-кужось, ловновы «Калевала» морокерькстэнть пелькс
• 
  «Вуoккиниеми (Вокнавoлок) — Шкинемань суоми-угрань мирэнь прявтош 2017» панжома, вастома чокшненть инжетне
• 
  Вяйнямёйнен васты инжетнень
• 
  «Катая» ды «Мартат» фол-кужот
• 
  Вокнавoлок тонавтнема кудос совамо тарка
• 
  Вокнавoлок велесь
• 
  Тонавтнемань ловнома тарка Вокнавoлок велесе
• 
  Суоминь кельсэ ловнома пусмот Вокнавoлок тонавтнема кудосо
• 
  Инжетненень невтить тонавтнема кудонть Вокнаволок велесе
• 
  Эйдень кужо Вокнаволок велесе
• 
  Арсемамашинань класс тонавтнемань кудосо Вокнавoлок велесе
• 
  Инжетненень невтить тонавтнема кудонть Вокнаволок велесе (спортонь налксемат)
• 
  Вокнаволоконь Карелэнь музей Велень Кудосо (Kylatalo)
• 
  Карелэнь музеенть невтема
• 
  Карелэнь музеенть невтема
• 
  Карелэнь музеенть невтема
• 
  Карелэнь музеенть невтема
• 
  «Вуoккиниеми (Вокнавoлок) — Шкинемань суоми-угрань мирэнь прявтош 2017» панжомастонть. Налксить кантелесэ
• 
  Тонавтнема кудось Вокнаволок велесе
• 
  Тонавтнема кудось Вокнаволок велесе
• 
  Велень Кудо (Kylatalo) Вокнаволок велесе
• 
  Велень Кудо (Kylatalo) лазпесь Вокнаволок велесе
• 
  маринь раськень киштема
• 
  рузонь раськень киштема
• 
  пелевеёнксонь ломанень киштема

Лисьмапрят

Комментарии

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.

Мнения

Пожалуйста, прочтите правила общения и оформления реплик на портале Викиновости

Если вы хотите сообщить о проблеме в статье (например, фактическая ошибка и т. д.), пожалуйста, используйте обычную страницу обсуждения.

Комментарии на этой странице могут не соответствовать политике нейтральной точки зрения, однако, пожалуйста, придерживайтесь темы и попытайтесь избежать брани, оскорбительных или подстрекательных комментариев. Попробуйте написать такие комментарии, которые заставят задуматься, будут проницательными или спорными. Цивилизованная дискуссия и вежливый спор делают страницу комментариев дружелюбным местом. Пожалуйста, подумайте об этом.

Несколько советов по оформлению реплик:

• Новые темы начинайте, пожалуйста, снизу.
• Используйте символ звёздочки «*» в начале строки для начала новой темы. Далее пишите свой текст.
• Для ответа в начале строки укажите на одну звёздочку больше, чем в предыдущей реплике.
• Пожалуйста, подписывайте все свои сообщения, используя четыре тильды (~~~~). При предварительном просмотре и сохранении они будут автоматически заменены на ваше имя и дату.

Обращаем ваше внимание, что комментарии не предназначены для размещения ссылок на внешние ресурсы не по теме статьи, которые могут быть удалены или скрыты любым участником. Тем не менее, на странице комментариев вы можете сообщить о статьях в СМИ, которые ссылаются на эту заметку, а также о её обсуждении на сторонних ресурсах.

Добавить комментарий