«Эрьмезь» валморось ды лият нолдавкст финнэнь-уградо

Материал из Викиновостей, свободного источника новостей
Перейти к навигации Перейти к поиску
Geographylogo.png На других языках: русский • эрзянь

20 марта 2020

2020 иень якшамковось ды даволковось ульнесть пешксе финнэнь-угрань литературань од нолдавксдо, саемга Мордовиясо. Не книгатненень явсть мель аволь ансяк кудова ловныцят, специалистткак. Нолдавкс книгатне кепететсть интерес аволь ансяк сёрмадоманень, историяненьдяк, нама содатано: литературась ды историясь свал сюлмазь вейкесть-вейкест марто.

Якшамковсто Мордовия республикантень топодсть 90 иеть. Истя лиссь, «Эрьмезь» эрзянь валморонть лисемазо кармась республиканень покш казнекс. Васня ульнесь мель нолдамс валморонть пельиеде икеле, ансяк эрьва кодат ве ёндо стакачить эсть макст тень теемс.

Пусмонть нолдамось теезель аволь вийкирдиень «Руця» вишка лезэпаргонть ярмак лангс: тия-тува лездасть ломанть ды лезэпаргонь прявтось сонсь путсь эсензэ ярмак. Яков Кулдуркаев сёрмадыцясь ульнесь те валморонть кисэ репрессировазь ды 20 иеть аштесь лагерсэ. Эрямонзо перть сон ансяк весть неизе эсь валморонть нолдамонзо. Пекстамодонзо мейле весе нолдазь пусмотне саезельть ловномакудосто. 1970—1980 иетнестэ «Эрьмезь» валморось тия-тува печатазель пельксэнь-пелькс кулялопасо ды ловномапусмосо.

Ярмаконь асатома кувалт аволь весе артовкстнэ лиссь теемс тюс марто, хоть артыцясь теизе тевензэ стякодо. Лия лездыцят истя жо тевест теизь стякодо: ловность-витнесть, вешнесть икельце нолдазь пусмонть.

Нолдавксонть ушодксо улить кавто башка сёрмадовкст: В. И. Дёминэнь — филологиянь наукань докторонть, профессоронть ды Маризь Кемалень, эрзянь сёрмадыцянь, Россиянь сёрмадеень Вейсэндявкосос совицянть.

Сонсь сёрмадовксось истямо жо, кодамо ульнесь 1935 иестэ, самай се, вейкине нолдавксонть коряс, конанть неизе Я.Кулдуркаев эрямопингстэ. Пусмонть песэ апокш валкс, тосо пек ламо нееньшкане а вастневицят, мазыйть, кезэрень валт, конатне тевс нолдавильть велесэ XX пингень ушодомасто. Ламбаське велесь содавикс: тосо шкасто чачсть ды кайсть Рябов месть. Аволь умок сыненст панжозель лемень кундамолаз тосо. Анатолий Рябов — эрзянь литературань келенть путыцязо, ламо келень содыцясь, Владимир Рябов — рузонь классикань эрзянь кельс ютавтыця, тувака ютавтсь эрзякс сталинэнь конституция. Соня- ялаксост, ульнесь школасо тонавтыця ды Федот Васильевич Сычковонь «Учительница-мордовка» (1937) прототипекс.

Книгань презентациясь ютась Ине-Петрань ошсо ды Саран ошсо. Пурнавозетне тешкстызь валморонть питнензэ кода эрзянь литературантень ды истя жо историянтень, кундызь лементь се ломаненть, конась теевель седе ламо ды тензэ эсть макст.

Валморосонть ёвтневи эрзятнень эрямодо XIII пингестэ. А. М. Моро сёрмадыцясь вана кода корты Яков Кулдуркаевде:

««1930 иетнестэ сёрмадозель гениальной Яков Кулдуркаевень валморось - "Эрьмезь". Сонзэ питнезэ эрзятненень истямо жо покш, кодамо "Слово о Полку Игореве" - рузтненень. Те - цитниця эрзянь поэзиянь тёкш, весе литературань тёкш ды покш путовкс весемасторонь поэзиянь паргос... »»

Омбоце книгась, конась лиссь малава вешкасто Яков Кулдуркаевень «Эрьмезь» марто — те «Котова викшнезь монь палям». Сёрмадовксось ёвтни эрзянь панаронь ды руцянь викшнемадо, викшнемань лувдо. Книганть сёрмадыцясь-пурныцясь — те Людмила Игнатьевань тонавтницясь — Маризь Кемаль. Людмила Фёдоровна Игнатьева содавикс Мордовия республкань викшниця, Россиянь артыцянь Вейсэндявксос совиця. Руз чачоманзо коряс, сон свал кортась мельдензэ: лисевель те книгась эрзякс. «Кинь пельде саия те сюпавчинть — сенень велявтан». Секскак пусмонть сёрмадыцякс аштить кавто ломанть — Игнатьева Людмила Фёдоровна ды сонзэ тонавтницязо Маризь Кемалень. Игнатьевань викшневксэнзэ ванстовить МРОКМ им. Воронина, Саран ошсо.

Книганть ушодксо Людмила Игнатьевань валморось:

«А мелодии в звонах монеты
Пусть разбудят эрзянскую грусть;
Все эрзянки пусть будут одеты,
Удивляя уснувшую Русь.
»

Ды колмоце од сёрмадовкс: лиссь рузонь кельсэ «Пургасова Русь в свете древней русской истории», «Эдитус» нолдамокудось (2020) Сёрмадыцясь — Малышев А. В. Те кевкстемась пек куцти мель кудова ловныцятнень ды тувака историянь содыдейтненьдяк. Содатано, Пургаз — те эрзянь инязор, конась аштесь Рав-Камань Булгариянь ёно, ансяк мекс рузонь иеньсёрмадовкссо (руз."летопись")те таркась лемдеви «Русь». Сонсь «Пургазонь Русесь» ёмась татар ды монголонь каятома шкане, ансяк Пургаз лемесь а вастневи се лемтнень ютксо, конатне сакшность инязорчинь ярлык мельга. Мезе мартонзо теевсь? Неть ды лият кевкстемат, тия-тува апак учо кевкстемат, кепедевить сёрмадокссо.



 
Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.