Васеньце эрзянь кельсэ фильмантень «Азор» максозь невтемань конёв

Материал из Викиновостей, свободного источника новостей
Перейти к навигации Перейти к поиску
Geographylogo.png Лия кельтнесэ: русский • эрзянь

21 августа 2018

«Азор» — васенце эрзянь кельсэ артонь эриванмо-фильманть теемстэ. Орданьбуень Баеньбуе веле, Мордовиясо.

2018 иень умарьковонь 6-це чистэ сась паро куля! Россиянь культурань Министерствась макссь невтемань конёв (прокатной удостоверения) «Азор» эрзянь васенце фильмантень.

Кода содатано, 2017 иень ожоковсто Саран ошсо ульнесь пекстазь невтема, конадонть мейле филмьанть теицятне Чичайкин Виктор (Бакич Видяй) ды Учеваткин Александр аламодо витнизь-петнизь «Азоронть», анокстасть рузонь кельс ютавтозь версия. Иень перть мольс коневонь анокстамось.

Ней васенце эрзянь фильмась ванстови Россиянь Госфильмофондсто ды совавтозь Минкультурань кинонь ды видеофильмань Госреестрас.

Рузокс Невтема конёвсонть сёрмадозь: 111013418, от 2018-08-06. Азор (Azor). Режиссер: В.Чичайкин. Студия-производитель: Чичайкин В. М., Учеваткин А. А. Категория: Кино. Жанр: Художественный. Цвет: Цветной. Возрастная категория: «12+» для детей старше 12 лет. Дата начала пока фильма: 2018-09-01.

Невтемань конёвонть (прокатной удостоверениясь) пельде «Азор» невтеви кинотеатрасо, телевидениясо, дисксэ ды эрьва кода лиякс. Ледстясынек, 2015 иень сёксня Чичайкин Виктор ды Учеваткин Александр ушодсть снимамо масторлангсо васенце художественной фильма эрзянь кельсэ. Арсемасто фильманть тееман ды конёвтнень анокстамост видьс — 3 иеть. Учотано васень невтемат таштамковсто!


Невтевкст[править]

Источники[править]

 
Комментарии[править]
Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.