Награда хужаһын тапты. 78 йыл үткәс

Башҡа телдәрҙә: башҡортса • русский

1 апреля 2020 года

2020 йылдың 30 мартында Рәсәй Президенты Владимир Путиндың указы менән 112-се Башҡорт кавалерия дивизияһы командиры генерал-майор Миңлеғәли Шайморатов Рәсәй Геройы йондоҙо менән бүләкләнде (үлгәндән һуң). Был Миңлеғәли Минһажетдин улы һәләк булғандан һуң 78 йыл үткәс тормошҡа ашты.

• 
  Шайморатов һәләк булған урында. Штеровка, Украина.

Республикаһы Башлығы Радий Хәбиров үҙенең социаль селтәрҙәрҙәге аккаунттарында былай тип яҙҙы : Бөгөн — Рәсәй Президенты тарихи ғәҙеллекте тергеҙгән көн. Мин, ысынлап та, ошо һорау менән һуғыштан һуң шунда уҡ төрлө инстанцияларға мөрәжәғәт итеүселәр кеүек үк, ошо хаҡта хыялландым. 1958 йылда Семён Будённый үҙе юллама яҙа. Тейешле структураларға йылдан йыл хаттар яҙылды, әммә барлыҡ мөрәжәғәттәр был осраҡта үтәп булмаҫтай ҡаты нормативтарға барып терәлде… Һүҙ шул хаҡта. Беҙ бала саҡтан легендар комдив Миңлеғәле Шайморатовтың исемен беләбеҙ. Уның биографияһы башҡа һыймаҫлыҡ. Бер генә киносценарисы ла бындай хәрби, мажаралы, шул уҡ ваҡытта шул тиклем фажиғәле тормошто һүрәтләй алмаҫ ине. СССР армияһында генерал Шайморатов дивизияһы биргән Советтар Союзы Геройҙары һанын бары тик ике генә хәрби подразделениела күрергә мөмкин. Һыбайлылар фашистарҙың ҡотон ала. Шул иҫәптән һуңғы походта ла. Дивизия байрағын ҡотҡарған төркөм менән сигенһә, Шайморатов тере ҡала алыр ине. Әммә ул һуңғы һөжүмде һәм лайыҡлы үлемде үҙенең төп көстәре менән бергә ҡаршы алыуҙы өҫтөнөрәк күрә… Уның ҡаһарманлығы оҙаҡ йылдар лайыҡлы баһаланманы, сөнки һәләк булыу шарттары билдәһеҙ ине, ә регламент буйынса ул асыҡланырға тейеш. Һәм бына Рәсәй Президенты башҡортостандарҙың бер нисә быуынының теләген хәпланы һәм һирәк кенә була торған ташлама яһаны. Миңлеғәли Шайморатов бөгөн Владимир Путин Указына ярашлы үлгәндән һуң Рәсәй Геройы йондоҙо менән наградланды. Был, бөтөн донъя өсөн яңы һынауҙар йылдарында, ниндәйҙер символға эйә. Был — уйланырға, данлы тарихыбыҙ тирәһенә тупланырға, бөйөк кешеләргә лайыҡлы бклырға сәбәп. «Салауат тоҡомдары артҡа сигенмәй», — тигән Шайморатов үҙенең яугирҙарын һөжүмгә күтәргәндә. Беҙ ҙә бер ваҡытта ла бирешмәбеҙ. Мәкрле дошман алдында ла, 21-се быуат эпидемияһы алдында ла.

Яҡташтары Шайморатовҡа Герой исемен юллауҙы 1946 йылда уҡ башалй. Шул ваҡытта уның һәләк булған урынына тәңге делегация ла бара. Шунан башлап яңы быуындар һәм етәкселәр был мәсьәләне бер нисә тапҡыр күтәреп сыға.

Ниһайәт, 1941—1945 йылдарҙағы Бөйөк Ватан һуғышында Еңеүҙең 75 йыллығы йылында награданың геройҙы табыуы әһәмиәтле. Ул 112-се Башҡорт кавалерия дивизияһының командирының иҫтәлеген мәңгеләштереүҙең логик йомғаҡланышы булып тора: быйыл Шайморатов исемендәге орден булдырылды, Совет майҙанын реконструкциялау һәм атамаһын үҙгәртеү, майҙан уртаһына генерал Шайморатовҡа һәйкәл ҡуйыу буйынса эштәр алып барыла.

Сығанаҡтар

• Официальный интернет-портал правовой информации «Указ Президента Российской Федерации от 30.03.2020 №230». Официальный интернет-портал правовой информации, 30 марта 2020 года. (архив)
• ИА «Башинформ» «Минигали Шаймуратов Указом Владимира Путина награжден посмертно звездой Героя России». ИА «Башинформ», 30 марта 2020 года. (архив)
• ИА «Башинформ» «Башкирия добивалась присвоения Героя Шаймуратову с 1946 года». ИА «Башинформ», 30 марта 2020 года. (архив)
• ИА «Башинформ» «Шамиль Валеев:Высшая награда России нашла своего героя через 78 лет после его гибели». ИА «Башинформ», 30 марта 2020 года. (архив)