Петра ошсо невтизь «Возвращение гения» Степан Эрьзядо документальной фильманть

Материал из Викиновостей, свободного источника новостей
Лия кельтнесэ: русский • эрзянь

19 ноября 2017 года

<dynamicpagelist>

category = Нолдазь category = Кино notcategory = А нолдамс notcategory=Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Санкт-Петербург notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Республика Мордовия notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Степан Эрьзя notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

«Возвращение гения» (режиссерось: Андрей Новоселов) кинонть невтемась, кона ютась VI-це Санкт-Петербургонь омбомасторонь культурань форумсонть. Лендок, 2017 иень сундерьковонь 15 чистэ.

2017 иень сундерьковонь 15 чистэ VI-це Ине-Петрань ошсо Омбомасторонь Культурной Форумонть ютамосонть ульнесь васеньцеде невтезь тесэ «Возвращение гения» («The Return of a Genius») фильмась. Кона ульнесь теезь Степан Эрьзянь 140-це иень чачома чинтень алтазь. Сон ульнесь невтезь Вейсэнь чудемасонть Кино пельксэнть, ЛенДок таркасонть, Набережная Крюкова каналонть, 12-це кудосонть.

Сазь ваныцятнень икеле васенце вал ёвтась Владимир Владимирович Пирожок, генеральной продюсерэсь:

«Мельспаросо ды вадря Эрьзянь лемезэ гайгеви Россиянь прявт культурной форумсонть. Те покш минек теевксэнек. Минь кавто иеть молинек Эрьзянь чельксканзо, конань ульнесь келей ды покш эрямо пингезэ, сон кадсь кавто сядодо седе ламо теевкс модалангонь эртицятненень. Монь коряс, сехте покш теевксэзэ - те сонзэ уцясказо! Секс, минь истямо хормасо (киносо) лецтясынек весенень артындеенть уцясканзо, кона ульнесь весемиксэкс максозь искусствас ды культурас. Сонзэ эйстэ мерить – пек Микеланджело ды Роден лангс молиця, ансяк Эрьзя те эськойсэнзэ покш, ды виев модамасторонь искусствань явления, кона киньгак лангс а молиця.»

Теде мейле, весенень икелев лись кортамо Анатолий Михайлович Чушкин, Республика Мордовиянь культурань, раськень вийветиень, туризмань ды архивень тевень министрась:

«Эрьзя вешнесь эсензэ. Чачсь сон Эрзянь Масторсо, Россиясо. Сон кайсь, покшкадыль. Сайсь эсь буень-сымень, тиринь масторонть культуранть. Сон ламо арсесь тееме одт, ды одт теевкст, те мелезэ мериль тензэ молемс икелев, а аштемс ве таркасо. Истя сон кармась улеме Аргентинасо, сон тесэ мусь од мелень теевксэнзэ теемантень одт чувтт, од технологият. Эрямо ульнесь аволь вейке ёнкссо, эйсэнзэ ульнесть ламо мезе. Те фильмась педе-пес невти Тиринь Масторов велявтомадонть арсеманзо ды молемазо. Мезе те Тиринь Масторось? Тиринь Мастор — те а онкставиця, те тарка косто минь саевинек ды ков уски седеесь. Минек меленек ульнесь теемс те фильманть Россиянь, ды лия масторонь питнеекс. Аволь умок Францияссо минь невтинек «Возращение гения» фильмась. Ды французтнэ ёвтасть истямо мель, келя «кой-кувава нееяви минек, французонь школась». Ули, минь кемтяно французонь школась, ансяк сонсь Степан Эрьзя тейсь мезе-буди од, ды те максы одс неемс ды арсемс сонзэ теевкстнэнь.»

«Возвращение гения» («The Return of a Genius») теезь рузонь кельсэ, субтитраньтеме, эйсэнзэ ули эрзянь морот ды седямот [[w:myv:2017 ие|«Торама» морыцятнень эйстэ. Артовксонть категориясь 12+. Режиссёрось: Андрей Новоселов, седидеесь: Сергей Шипоша. Сценариень сёрмадыцяст: Владимир Пирожок, Наталья Соколова, Андрей Новоселов. Оператортнэ: Ирина Уральская, Сергей Петрига, Константин Шорин. Ванмонть кувалмозо: 57 мин. «Возвращение гения» сайсь Специальной невтема 39-це ММКФ (Москов ош, 2017 и.), ульнесь невтезь пелькстамонь невтемасонть «Окно в Европу» кинофестивальсэ (Выборг ош, 2017 и.), ды ульнесь Сех вадря документальной фильмакс тешкстазь Буэнос-Айрес ошонь кинофестивальсэ (Аргентина, 2017 и.).

Марина Романовская, фотоньтеий:

«Зярдо ванат Эрьзядо фильманть, вадрясто марят искусствань, шкинемань виенть. Навават искусствань мирс, кеврунгонь мирэнтень конань келей оймест, Эрьзянь мирэнтень! Эрьзянь теевксэнзэ истя виевть, зярдо мон сынст неян музейсэ, эли невтемасо монь копачавтован. Ёвтан фильманть теицятненень сюкпря, сынь вадрясто невтизь артындеенть сюлмавксонзо тиринь масторонть марто. Пек берянь се, мекс Петра ошсо арась тарка Степан Эрьзянь теевксэнзэ марто невтема марто. Улить Прявт Рузонь Музеенть утомсо сонзэ комседе седе ламо теевксэнзэ. Паряк эряволь панжомс невтема?»

Невтевкст[править]

Лисьмапря[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Семён Красоткин (DonSimon). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Семён Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.