III-це чувтосто керсиця фестивалесь «Кой» пурнынзэ суоми-угратнень

Материал из Викиновостей, свободного источника новостей
Лия кельтнесэ: русский • эрзянь • English

19 сентября 2019 года
Таштамковось Мордовиянь Вирь Тавласо ушодовсь мазыйдеяк мазый фестивальсэ, ков зярыя регионсто (Удмуртиясто, Марий Элстэ, Чувашиясто, Москов алдо, Пенза ёндо, Ульяновск ёндо, лиясто косто, нама Мордовиястояк) сакшность чувтосто керсицят. Зярыя чинь перть2019 иень таштамковонь 3-7 читнестэ сынь ёроковсто тейсть эрьва кодат чувторунгот. Седе ламотне мель явсть эсь раськень фольклоронтень.

Инжетнень эрзякс терди III-це чувтосто керсиця фестивалесь «Кой» ды «Торамась терди» кезэрень эрзянь моронь Vl -це фестивалесь

Мартост вастовомо пачколесть «ВАЛ» вейсэндявксос совиця эрзянь од сёрмадыцятне. Сынь ловность валморот, морасть. Керсицятнеяк тень маштыть — невтизь пряст.

Кедьтеевксэст анокольть «Торамась терди» кезэрень эрзянь моронь Vl -це фестивалентень, кона курок ушодовсь секе таркасонть — Вирь Тавласо, Этно-кудонть вакссо. Эрьва мастерэсь тешкстазель-казезель. Инжетне ламольть, морыцят сакшность натой шабра регионстояк. Фестивалесь мазыель аволь ансяк моросо, сонзэ мазылгавтсть ломантнень лангсо эрзянь оршамотне, чамасост валдо мизолкстнэ ды покштянень-бабанень пшкадема коесь, штатолонь кирвазтемась. Ней торамась истя тердьсынзе весень, кода ладявсь, кавто иень ютазь.Калаганонь Керяз — Этно-кудонть прявтось — келейстэ панжи кенкшензэ эрьва паро ломаннень:

«Минь лембеёжосто ды кеняркс марто вастатано эрьванть, кие сы Этно-кудос. Те таркась кармась ускицякс-педицякс ламо раськетнень туртов. Йовлань Олонь кувалт эрьва ие пурнавить кода чувтосто керсицятне, истя фольклоронь куротнеяк. Минек вейсенди коень тевтнес ды раськень моронь вечкемась. Паряк, истя карми свал!»

Источники[править]

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.