Дербент ошсо ютась васенце Дагестанонь Вики–семинарось

Материал из Викиновостей, свободного источника новостей
На других языках: башҡортса • лезги • русский • эрзянь

6 сентября 2017 года

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

2017 иень таштамковонь 1-3 читьнестэ Дербент ошсо ютась Дагестанонь Вики-семинар (русс. «Проблемы развития Википедии на языках народов Дагестана» лементь ало). Те семинарось ульнесь алтазь Россиянь раськетнень кельтнесэ Википедиятнень содавтомачинть ды питнейчинть коряс, ды кода кастомост-покшолгавтомост дагестанонь пельксэнь Википедиянь проектнень.

Вики-семинаронть Дербентсэ панжи Амиль Саркаров

Семинаронть теицякс-анокстыцякс кармасть «Викимедиа РУ» ды «Дербент» Фондось, сынест лездась Федеральной лезгинэнь раськень-культурань автономиясь (ФЛРКА). Информационной лездыцякс кармась «Дербент» информационной агентствась (РИА «Дербент»), сонзэ пресс-центрасо ютась семинарось.

Семинарсонть важодемасонзо ульнесть 20-нь седе ламо ломанть: «Викимедиа РУ» прявтось Владимир Медейко, «Дербент» Фондонть прявтонть полавтыцясь Амиль Саркаров, Лезгинэнь кельсэ Википедиянть администраторось Олег Абарников, рузонь Википедиянть администраторось Дмитрий Жуков, Башкирэнь Википедиянть бюрократось Зуфар Салихов, Эрзянь Википедиянь администраторось Андрей Петров, «Викимедиа РУ»-с совиця Ришат Сайфутдинов, ды истя жо, РКВ (раськень-культурань вейсэндявксонь), вейсэньветийить, келеньсодыйть, валморозейть.

Зуфар Салихов важоди вики-семинарсонть

Башкирэнь вики-теемадонть ёвтнесь Зуфар Салихов (Башкортостанонь Викимедиянь ветийть-витнийть). Ульнесь невтезь теезь те пурнамонтень ванмонть, косо «вики-бабинетьне» кучсть паро арсемат ды вадря вожодема семинаронтень пурназь ломантнень. Сон кемекстызе:

«Ламораськень Дагестанонть ули киньгак ланкс апак молиця культуразо, эсь коензэ, питнейстэ -питней фольклорозо ды историязо, ды сон авоь весэ тонавтозь. Дагестанонь кельтнесэ Википедиятнень касомась максы те асатыксэнть топавтомонзо ды сравтомонзо.»

Андрей Петров, UG EZY пурнавксонть ветиесь ёвтнесь кода ульнесть теезь «Эрзянь кельсэ Викимедиянь витнийть-ветийть» курось. Сон явтась истямо мель:

«Минь сыне тей, Дербентэв, «кирвастемс» те тарканть тештинетнень, Данестанонь раськетнень, ды арситяно олячинь содамочинть ванстомань ды сравтомань важодематне кармить молеме икелев. Россиясь ламораськев, ды минь карматано лездамо минек ялгатненень совамс цифровой пингес. Ды ули мелем, кадык те иенть появи од пурнавкс Россияссо, ды те кармить минек дагестанонь викимедиянь витнийть-ветийть.»

Неень шкасто Дагестанонть аорев содамкундосо улить 3 келень пелькст — аваронь, лаконь ды лезгинэнень. Сех келей ды ёроков Лезгинэнь Википедиясь, те кельсэнть сёрмадозь 3847 лопат. Аваронь клеьсэ — 2311 лопат. Лаконь пельксэсь знярыя иеть эзь ульне одкстомтозь, ды эйсэнзэ ансяк 1211 лопат.

Кода тешкстызе «Дербент» Фондонть прявтонть полавтыцясь Амиль Саркаров:

«Семинарось ютась вадрясто, апак вано аволь ламо улицятнень коряс. Кода мон арсян, минь ёвтыне видстэ кевкстематнень лангс, кодамо лезэ раськентень максы Википедиянть келень пельксэнть теемась.

Ули мелем меремсь сюкпря Росиянь Википедияньтень, ды рузонь, башкирень, эрзянь ды лезгинень википедиятнень администратортнэнень, конат састь Дербентс. Те пек эрявикс тев дагестанонь ды лия раськетнень туртов, кинь кельтне арась келей функциональной тевс ноламот, ды конататнень эрявить кепстямо не кельтнесэ кортыцятнень сельмсэ. Арсетяно, куроконь шкасто кармить теезь дагестанонь кельтнесэ курот, конататнесэ улить википедиятне.

Тень теемантень эряви ламо важодемс од улицятнень касомантень. Те карми сестэ, зняро минь карматано васенцеде важодеме раськень интеллигенциянть марто, тиринь келень тонавтыцянь ды тонавтыця таркасо прявтнэнь марто.
»

2017 иень таштамковонь 3 чистэ ульнесь теезь Вики-экскурсия Дербентка. Викимедиянь витнийть-ветийть ваннызь Дербентэнь стенанть ды Нарын-кала кородоманть.


Ссылки[править]

Лисьмапрят[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.