Рябовонь раськесь: эрзянь кельсэ литературань теицятне-путыцятне. Омбоце вастовома

Материал из Викиновостей, свободного источника новостей
Перейти к навигации Перейти к поиску
Geographylogo.png Лия кельтнесэ: русский • эрзянь

28 декабря 2019 года

<dynamicpagelist>

category = Опубликовано category = Эрзяне notcategory = Не публиковать notcategory = Ожидаемые события по датам notcategory = Архивные новости notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Опубликовано category = Культура notcategory = Не публиковать notcategory = Викиновости коротко notcategory = Ожидаемые события по датам notcategory = Архивные новости count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

2019 иень ацамковонь 1 чистэ Ине-Петрань ошсо таго вастовсть Википедиянь эрзянь кельсэ сёрмадыцятне ды Галина Владимировна Рябова-Попова, сон Рябов Владимир Павловичень, эрзянь ютавтыцянть, тейтерь. Владимир Павлович ледезель 1938 иестэ, зярдо тейтеренстэнь топодсь ансяк вейке ие. Владимир Павлович ульнесь Рябовонь Анатолий Павловичень, эрзянь литературань келень стявтыцянь-пурныцянь, ялакс.

Сынст ульнесь Лиза сазорост, конась венчазель Васильев Тимофей Васильевичнень. Сон ульнесь юрист, СССР-ень дипломат. Важодсь Ине-Британиясо. Самай сон ульнесь Мордовиянь Автономиянь теевемань юрсо.

Галина Владимировна Рябова-Поповань авазо пекстазель АЛЖИР-с(рус. w:Акмолинский лагерь жён изменников Родины). Неень шкасто тосо ашти кеврунго (рузкс монумент).

Те ульнесь омбоце вастовома. Кортамосто сёрмадозель вейке часонь видео, косо кортыцятне кевкстнесть седе, мезе эзь чарькодеве васенце вастовомасо.

Галина Владимировна ды авазо пурнасть ламо информация тетядонзо: кода аванть саизь лагерев, эзть максо саемс кудосто мезеяк. Галина Владимировнань авазо пек кемсь «10 иеть сёрмавтомо» меревксэнтень. Пек учось ды кемсь, сы кодамояк куля мирдензэ пельде, кучнесь ламо кевкестемат мирдедензэ.

Архивень панжомадо мейле кармасть содамо И. В. Сталинэнь кармавтомадо: ледемс Мордовиянь ламо ломанть. Ютксост ульнесть тонавтыцят, ютавтыцят, кафедрань прявтт, валморозейть, келеньсодыйть. Кармавтоманть лемезэль «СССР-ень Верце Судонь оенной судямонень алтазетне». Сетне, конатне арасельть ледема конёвсо, пекстазельть: саемга, «Эрьмезь» эпосонь сёрмадыцясь Кулдуркаев Яков Яковлевич.

Николай Некрасовонь «Кие Рузонь келей масторсо эри вадрясто-паросто» валморонь ютавтовксось, конань теицязо Владимир Рябов, нолдазель Саран ошсо 1931-це иестэ ды Ленинградсо 1934-це иестэ. Весемезэ нолдазельть 9 000 книгат. Галина Владимировна невтинзе книганть фотокопиянзо. Тестэ чачсь кевкстема: мезе теевсь Владимир Павловичень эрзянь кельс финнэнь «Калевалань» ютавтовксонть марто? Косто муемс те раритетэнть?

Тень марто сюлмазь неень шкань «Политикань репрессиядо кулозетнень ледстнема чись» (рузкс День памяти жертв политических репрессий ) — ожоковонь 30-це чистэ. Те чись кочказель аволь стяко. 1974-це иень ожоковонь 30-це чистэ Пермень ды Мордовиянь лагерьсэ пекстазетне ушодсть вачочисэ аштема, конась аравтозель политикань репрессиятнень каршо се шкань СССР-сэ.

Те чистэнть Ине-Петрань ошсо ды лия Российской Федерациянь оштнэсэ ютавтовить леменькундамо тевть. Весемезэ ломантнеде репрессировазель 7 000 000 малава. «Малава» секс, те шкас апак ловно, зяро ломанть ульнесть маштозь.


 

Источники[править]

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.