Oyme Quarantine альбомонть анокстомасонть невтезь Tyushtya’s song видеоклипесь

Материал из Викиновостей, свободного источника новостей
Лия кельтнесэ: русский • эрзянь

14 июня 2020 года

<dynamicpagelist>

category = Нолдазь category = Этническая музыка notcategory = А нолдамс notcategory=Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Свободные лицензии notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = Эрзяне notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created

</dynamicpagelist><dynamicpagelist>

category = Нолдазь category = YouTube notcategory = А нолдамс notcategory = Викиновости коротко count = 4 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

2020 иень аштемковонь 5-це чистэ Oyme морамо кужось интернет вельде невтизе од теевксэст Tyushtya’s song (рус. Песня Тюшти, эрз. Тюштянь моро) ванмоклипэнть. Сон ульнесь анокстазь акустикань Oyme Quarantine альбомонть теемасонзо. Те клипэсь YouTube-со олячинь лицензия Creative Commons Attribution ало ды тонгозь Викиутомс.

«Ойме» морамо кужось алтызе од важодевксэст тиринь ды малавикс ломантнень туртов, конат тусть Тоначив, ансяк сынь эрить валдо мельсэнек ды минек седейсэ. Трекэнь юрсо ашти Тюштядо эрзянь раськень морось, кона вейсэндясь эрзятнень. Ули истямо ледстнема: зярдо Тюштя туйсь лия масторов, мерьсь келя, сонзэ виезэ ды оймезэ карми свал раськензэ вакссо. Ды зярдо карми стака торамань гайтесь тердьсы сонзэ лездамо.

Ежевика Спиркина, Ойме морамо кужонть ветицясь ёвтнизе Викикулятнене Tyushtya’s song клиптэнть теемадонть:

«Клипэнть арсемазо ульнесть истямо: невтемс покштятнень-бабатнень пингеде-пингес ледстнеманть ды эрямонть а маштоманть.

OYME Quarantine акустической альбомось EP форматсо чачсь 2020 тундонь шкасто зярдо минь весе аштинек кудосо COVID-19-нь пандемиясонть. Весе гайтне ды морамотне альбомонть васенце сингласонть сёрмадозь минек кужонь улицятнесэ васоло кудосо. Те минек од седямо ёрокчинек, шка, зярдо минь вешнинек вий ды касома, берянень ды аэрявиксэнь ёртома, эрямонь питнечиденть арсема. Кевень пурнамо шка — те валмеревксэсь кармась миненек пек мельс туицякс.

Кода минь теинек те клипенть невтнинек эрьва-кодамо вейсэндявикс интернет алтыматнесэ, минек важодема тевенек вечкицятнень туртов те тусь мельс. Минек ульнесь мель максомс вий ды вадря ёжо. Карматанок арсеме те лись.
»
Tyushtya’s song (рус. Песня Тюшти, эрз. Тюштянь моро) ванмоклипэсь ОЙМЕ морамо кужонть, кона ульнесь анокстазь 2020-це иень пандемиян шкасто.

Кой-мезе педе-пес: эрз. Тюштянь моро омбоце важодевксэсь world music стильсэ сови кавтонькирда электронный альбомс, конань лисемась алтазь кужонть чачома чинтень (2021-це иестэ топодить 10 иеть куронть теема-чачома чистэ). Tyushtya’s song акустикань версиянть сингланть сёрмадомсто тевс мольсть эрьва-кодат кедьёнкст — цигаркапень парго, ваканонь вельтявкст, горниповнеть, флейта-сунда, баягинеть, домра, гайге, бас-гитара ды турвань плаштят.

Истя жо клипсэнть тевс нолдазь ванмонт, конать ульнесть пурназь OYMEexpeditions проектсэнть: «Ума маштома» шокшань калмама коесь, кона сёрмадозь Нородвелесэ (2016-це иень экспедициясь) , эрзянь полань саема Ташто Мурза велесэ (2012-це иень экспедициясь), ды истя жо Шокш, Сокав, Вирь ало Тавла (2014-це ие), ды Мокшонь Ювня (2015-це ие) велетнес экспедициятнестэ.

Петрянь Андю, UG EZY пурнавксонть ветий:

«Мелезенек пек тусь эрзянь кельсэ шкинемань нолдавксось «оймэнь тейтертнень» пельде. Кавксть кенярдотано вана мезень коряс, ламоиень важодемась «Эрзянь кельсэ Викимедиянь витнийть-ветийть» пурнавксонть «Ойме» седиця-морыцятнень марто максь лезэ. Клипэсь YouTube-со публикувазь олячинь лицензия ало. «ОЙМЕ» кужонть интернет вальмаст ютавтозь «Attribution» («Атрибуция») 4.0 Всемирная (CC BY 4.0) лицензия алов. Ней карматано Викиутомонть пештямонзо ламоиень OYMEexpeditions артнематнестэ матералтнесэ. Те фольклоронь аудио ды ванмо сёрмадовкст мокшонь, эрзянь, шокшань, аваронь ды лаконь кельтнесэ; пек ламо мазыйде-мазыйть фотокувт. Видстэ меремс минек ней ули вики-резидент фольклоронь мирсэ.»

Ванмоклипень ды концертэнь сёрмадовксонь нолдамот олячинь лицензия ало ульнесь кирдезь знярыя россиянь морам кужотнесэ. Истя, вейкесь васенцетнеде ульнесь те молемасонть Theodor Bastard кужось «Сельва» (англ. Selva клипенть марто ; ваномс). Концертэнь налксематнень ютксо вейкеть васенцетнестэ ульнесть Errare humanum est Николй Овчинниковонь ды Вова Терехэнь кавтоморыцятне.

2020-це иень чадыковсто карминек содамо «Yehy Vaya» морось, кона ульнесь теезь Серж Булат ды Oyme морамо кужонть марто теевсь номинантокс Independent Music Awards (IMA) американонь премиясонть киштемань электроникань (англ. Dance/Electronica) категориясонть.


Ваномс ды кунсоломс[править]

Невтевкст[править]

Лисьмапрят[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.