Шкинемань суоми-угрань мирэнь прявтошсонть ютась «Ловонь Чи»

17 января 2017 года

category = Нолдазь category = Республика Карелия notcategory = А нолдамс notcategory=Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created

</dynamicpagelist>

Общество

category = Нолдазь category = Общество notcategory = А нолдамс notcategory = Викиновости коротко count = 8 stablepages = only suppresserrors = true namespace = Main addfirstcategorydate = true ordermethod = created </dynamicpagelist>

2017 иень якшамковонь 15 чи стэ Вокнаволок велесэ, кона кармась те иестэнть «Шкинемань суоми-угрань мирэнь прявтошокс» ютась велень покшчи — «Ловонь Чи».

Шкинемань-налксеманьтень пурнавсть 250 улицят: велень эрицятне, инжеть Костомукша ошсто, ды лия велень эрицят. Меремс видстэ, те нилеце пелькс Вуоккиниеми карелэнь веленть эрицятнестэ. Те покшчись ульнесь тешкстась Весероссиянь ловонь чинтень ды лемдязь Велень покшчи — «Ловонь Чи». Ушодовсь весэ одломанень пельде лов лангсо шумбракстнема флешмобсо, сон максь ялгаксчинь кеняркс. Седе мейле весе явовсть налксемань коряс: пильгеоска, соксо якамот, «Кююккясо» налксема, гирянь кепедема ды лумифест (карелэнь кельсэ «lumi» — «лов»).

Налксема костомукшань квиддичссэ.

«Кююккя» (Kyykkää) — карелэнь раськень налксема эсензэ обуця марто. Эйсэнзэ налксить весе, кинь ули мелезэ, ды кинь ули мелезэ невтемс эсь виенть, норовицянть, ёрокчинть, обуцянть ды лия ёнксонзо. Кююккясо налксемасонть изницякс лись «Vuokkiniemen pojat» курось («Вокнаволокские ребята»).

«Кююккя» (Kyykkää) налксема.

Пильгеоскасо налксемасонть «Вокнаволок — Костомукша» изницякс теевевть Вокнаволоксто улицятне. Эчке пиксэнь усксемасонть ульнесть кавто курот — покшт ды одт. Лумифэстсэ весемекс ульнесть 9 курот, налксесть раказь, ламо ловсо ёртнезь! Истяжо покшчисэнть ульнесть «Маштыця сокст» («Убойные лыжи»), Ловонь «Крокодил» (снежный «Крокодил»), «Дженгэнь» вечкемазо» («Любимая «Дженга»), Ловонька «Снарть понгомо» (Снеговик «А ну-ка попади»).

Покшчись прядовсь веленть каштома вакссо нудевтнемасо. Тесэ тейтерькатне содылизь эсь эрямонть те иес.

Каштома вакссо велесэ нудевтнемасо...

Кода кемекстызеть «Шкинемань суоми-угрань мирэнь прявтош 2017» программанть ветийесь Плюйконь Елена:

Васенце покшчинек Шкинемань прявтошсонть пурнась пек ламо одломанть. Те пек кенярдомат! Пек вадря, кода касыцянок неить ды саить коенек покштнень эйстэ!

Шашковань Марина, турфирмань менеджер:

Покшчись лись! Сюконямот теицятнень. Вадрясто, ракамот марто! Ды ульнесть пек ламо лов! Вокнаволок истя кирдемс!

Романовонь Сергей, инже Костомукшасто:

Алкукс вадря покшчись веленть ды инжетнень туртов. Паро мельсэ сакшнотано тенк покшчитнень ютавтомо!

Поповань Нина, Вокнаволок веленть эриця:

Пек вадря, велесэнек покшчинть ютавтоманть кис. Сюконятано! Минек ламо кенярдомат ды мизолдомат тень коряс!!!

Невтема:
«Шкинемань суоми-угрань мирэнь прявтош» — те программа МАФУН-онь, кона максы касома мастортнэнень косо эрить суоми-угрань раськеть. Макови шкинемань ды искусствам мазычинь ёрокчисэ. Те программась ульнесь нолдазь тевс 2014 иестэ. Васенце Прявтошокс ульнесь Ташто Быги велесь Удмуртиянь Масторсо. 2015 иестэ те тешкстэнть кандсь сетунь Обиниця велесь Эстэнь Масторсо. Суоми-угрань Шкинемань Прявтоштне 2016 иестэ кармасть Искасентдьёрдь веле ды Веспрем ош, Мадьяронь Масторсо. 2017 иень Шкинемань Прявтошокс кочказь Вокнаволок карелэнь велэсь. Седе кувакасто ловнок теде — www.uralic.org. МАФУН (Молодёжная Ассоциация Финно-Угорских Народов) — суоми-угрань ды уралонь (самодиень) раськень одломанень вейсэндявксонь пурнавкс. МАФУН теезь келень ды шкинемань уралонь раськень лездамонтень, кона карми кемекставтомо суоми-угрань раськетнень юткова, мастортнэва ды ёнкстнэва.

Ванодо минек фотоневтеманть покшчистэнть:

«Ловонь Чинь» улицятне («Lumifest») 2017 иень Шкинемань суоми-угрань мирэнь прявтошсонть. Вуоккиниеми (Вокнаволок веле).
Налксема костомукшань квиддичссэ.
«Ловонь Чинь» улицятне («Lumifest») 2017 иень Шкинемань суоми-угрань мирэнь прявтошсонть.
Якамосо пелькстамот.
Соксо пелькстамот.
«Ловонь Чинь» улицятне («Lumifest») 2017 иень Шкинемань суоми-угрань мирэнь прявтошсонть.
Каштома вакссо велесэ нудевтнемасо...

Источники

Оригинальный репортаж Викиновостей

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто внёс первую правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.