Ине-Петрань ошонь википедистнэ ваннызь а содавикс таркатнень Пушкин ошсо

Материал из Викиновостей, свободного источника новостей
Перейти к навигации Перейти к поиску
Geographylogo.png Лия кельтнесэ: русский • эрзянь • English

19 августа 2019

Коллективное фото основной части экскурсантов

Ине Петрань ошонь Википедиянь витнить-ветийть ды сыненст лездыцятне поладызь кавто юзер-куронь регистрациянть. Не юзер-кужотне явить мель Ине Петрань ошонь ды малава буетнень историянень ды культуранень.

Неень шкане Википедиясо учить ваннома кавто яволявкст: UG-NWR — «Вики-краеведы Северо-Запада России» ды курось UG-SPB — «Викимедийцы Санкт-Петербурга».

Вики-вастомасо 30.07.2019 ульнесь мерезь теемс покш вики-экскурсия маласо аштиця таркава – улезэ шка теевемс содавиксэкс ды кортамс тевде, секе марто паро мельсэ якамс-пакамс. Тенень пек вадрясто ладязь Пушкин ошось, конань седеикелень лемезэ ульнесь Инязоронь Веле (рус.Царское село). Тозонь шождасто пачкодят Ине Петрань ошсто. Пушкин – те Ине Петрань ошонь административной пелькс. Кой-кить сайсть кискаяк. Те кискинесь ульнесь вики-вастомась омбоцеде уш.

Якамось-пакамось ульнесь аволь косо мелеть ули. Сон ладязель списоконь коряс. Тосо сёрмадозельть «объекты культурного наследия». Те списокось пурнави Викигидсэ. Викигидось – те Викимедиянь потсо проектось. Пурныцякс самай аштить Википедиянь краеведтнэ – эсь масторонь вечкицятне ды содыйтне. Ошонть историязо кувака, секс списокосяк покшоль. Сон невтеви кода картаяк. Те пек паро: сеске неяви кодат объект аштить маласо.

Ламо объектэнь арасть фотокувост, сындест аламо содыть. Секс кужосо аштицятне явить сыненст покш мель. Вешнить «ашо таркат». Секскак сынь ютасть туристэнь якамо таркань веёнга. Якамось ульнесь ошонь куншкава. Маряви дивакс – ансяк дворецень башка кодаткак фотокувт, меремс, арастькак. А мейсэ ульнесь мазылгавтомс Википедиянь сёрмадовксонть.


Покш сюк пря Петрянь Адюнень, конась тердинзе Пушкинэв эрзянь Википедиянь куронь аштицятнень - Vaija. Содавикс инжекс ульнесь - Валентина Дмитриевна Алемайкина. Валентина Дмитриевна – пурны мокшонь фольклор Кижеватово, Чемодановка , Сосновка велетнева. Сон нолдась «Материалы по языку и фольклору села Кижеватово Пензенской области» (3 пелькссэ).

Эсь Степановка велесэ Пензань ёнкссо сон нолды «Малая Родина» ловномапусмо ды ламо важоди тень коряс велень эйкакштнэ марто. Теде башка Валентина Дмитриевна явсь мель краеведэнь кужонтеньдяк.

Якамонь-пакамонь перть ульнесть теезь 100 ламо фотокувт эрьва кодамо историянь коряс содавикс кудотнень. Не фотокувтнэнь сеске нолдызь тевс Викигидсэ ды Википеясо сёрмадомс

Объекты и события на маршруте

Полный набор фотографий см. в категории Викисклада Wikimeetup in Pushkin town 2019-08-10




 

Источники[править]

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: тот, кто её внёс эту правку, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.