Татаронь викис витни-петнийтне тейсть нилеце Россиясо Викимедиянь пурнавкс

Материал из Викиновостей, свободного источника новостей
Перейти к навигации Перейти к поиску
Geographylogo.png Лия кельтнесэ: русский • эрзянь • башҡортса • татарча/tatarça

3 декабря 2018 года

В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

Wikimedia Foundation омбомасторонь фондось, кона вети Википедиянть, кемекстызе «Викимедиа җәмгыятенең татар телле катнашучылары төркеме» Пурнавксонть» (англ. Wikimedia Community of Tatar language User Group) тееманзо — ломанень вейсэндямось, кона карми келейстэ ветямо Викимедиянь (ды лиянь проекттнэнь) татаронь кельсэ. Истямо пурнавксонть хормась максы вишка, эли аволь ламонь вейсэндязь викис витни-петнийтненень, конат улить Викимедиянь потсо, ды максы вейсэньтевень ветямо.

Седе покш вейсэндязь пурнавкст, конатат теезь юридической чама-юр марто, ды конатнень лемдить «чаптерт», сынь улить эрьва масторсо. Россиясо, истямо «чаптерекс» ульнесь теезь 2008 иестэ «Викимедиа РУ». Сон лезды сравтовомс олячинь содамочитнень Россиянь Масторсо. Васенце шкасто «Викимедиа РУ» ульнесь кода Wikimedia Foundation пелькс, ансяк ней сон аволь сонзэ кедь ало, ды сонзэ ули эсензэ лопазо ru.wikimedia.org Интернетсэ. Зярс вики-проектнэ кайсть ды келейгавтсть, кармась стака важодеме «чаптертнень» трокс, секс Фондсонть ульнесь кемекстазь «совицянь пурнавкст» — истя седе шожда кармась тееме вейсэнь важодемат викисэ витни-петнийтнень ютксо. Васенцекс, истят пурнавкстнэ савсть лезэвкс Википедиянь вишкинька келень вейсэндявкстнэнень — саемензэ, пелькст Россиянь Википедиятнень ламо кельтнесэ. Мстят пелькстндэ ненец шкасто 40-це седе ламо.


Истя, 2015 иестэ появась «Викимедийцы Башкортостана» (UG BAK) пурнавксось, сонзэ васенце смустезэ келейгавтомс Википедиянть лы дия проекттнэнь башкирэнь кельсэ. 2017 иень даволковсто Россиясо ульнесь теезь омбоце истямо кужо - «Эрзянь кельсэ Викимедиянь витнийть-ветийть» пурнавксось (UG EZY)». Не кавто кужотнень лангкс прась истямо тевесь анокстамс викикулят башкирэнь ды эрзянь кельтнесэ.

UG BAK ды UG EZY вейсэнь тесть теить «Викимедиа РУ» марто ды лия Викимедиань ёнксонь теевстнэнь марто. Башкирэнь викимедиянь ветийтне вадрясто тейсть «вики-покшават» («вики-бабинеть») теевксэнть, зярдо сыре аватне лездыть сёрмадомо БашВикипедиянть. 2018 иень даволковсто ульнесь кемекстазь «Донская группа викимедийцев» пурнавксось (UG RU-Don) — те Викимедиянь улицят, конная ули интерес Дон моданть коряс, кода историянь ды географиянь ёнксонть Россиянь лембеёно, ды истя жо дононь казаконь культуранть марто.

Мелесь теемадо татаронь кельсэ юзер-кужо сась 2016 иестэ «Сэлэт» Вики-школасонть ды кармась касомо-чапамсто Фаткуллинэнь Фархадонь кедь-лезэнть марто. Иень ютазь. Вики-школанть прявтокс кармась Тимерхан Шайхутдинов, кона кармась российЯнь Вики-конференциянть ды Равчирень Вики-семинаронть улицякс, косо ёвтнесь «Сэлэт» Вики-школадо. «Ламокельсэ» проектэнть коряс ульнесь анокстазь татаронь кельсэ Викикулянь пельксэсь.

Пек покш эскельксэкс ульнесь татаронь кельсэ Википедиянть 15-це иенть покшчись, кона ульенсь панжозь 2003 иень таштамковсто, ды 2018 день «Викимедийянь ветий-путый» Фаткуллинэнь Фархадонь татаранькелень Викимедийянь ветий-петницянть, конань яволявтызе Джимми Уэйлс Википедиянь теицязо Викиманиянь пекстамсто 2018 иестэ Кейптаун ошсо.

Пурнавксонть кемекстамонть лангс яволявксось ульнесь теезь 2018 иень ожоковсто, зярдо ульнесь теезь весе вешевкстнэ: эрявикс сех аламо витнемат-петнемат проектссэнть, эрявикс важодицят, ды смустев арсемат мезе, коли ды кода карми тееме татаронь кельсэ Викимедиянь витнийтне-петнийтне: тееме Татаронь кельсэ Википедиянть сех содавиксэв-эрявиксэкс, кастомо од ломать татаронь викимедиянь ветний-петнийтнэнь, ды сравтомс содамочинть олячинь лицензиядонть.

Андрей Петров, UG EZY ветиця, Викимедиа РУ-нь улиця:

«Пек кенярдтанок, минек молемасонть появась од, виев ялганок вейсэнь мелень тев теиця кужо. Тынь перькава пурнынк татаронь кельсэ кортыця викимедияс сёрмадыцятнень. Сынь пек вадрясто неявить аволь ансяк россиянь, омбомасторонь тевтнесэ, сынь лездыть лия россиянь келень кужотнень туртов. Сюконянь те эрямотевенть кис ды вадря уема татаронь кельсэ олячинь даннойтнень (сёрмадовкстнэнь) сравтомасонть»

Викимедиань ёнксонь ды темань кужотне лездыть викимедиянь витний-петнинь туртов вастневеме, тонавтнеме од улицятнень — Википедиясь лезды келень культуранть ванстомо ды виевгавтомо, те пек эрявиксэв Россиянь келень кандыця-содыцятнень туртов.


Лисьмапрят[править]

Оригинальный репортаж
Эту статью написал Андрей Петров (Erzianj jurnalist) специально для Русских Викиновостей. Она содержит ранее не публиковавшиеся материалы или исследования, источником которых является сам автор. Статью проверил и опубликовал редактор Александр Красоткин (Krassotkin). Вы можете свободно без согласования и выплаты вознаграждения копировать, распространять и изменять эту статью в любых целях, включая коммерческие, однако вы обязаны указать автора, источник и лицензию. Например, так: Андрей Петров, Александр Красоткин; Викиновости; CC BY 2.5. Вы также должны обозначить изменения, если таковые были сделаны. Лицензии изображений уточняйте на их страницах на Викискладе.

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.