Wikimedia CEE Meeting 2018: Арассыыйа дэлэгээссийэтэ уопутун үллэһиннэ

Материал из Викиновостей, свободного источника новостей
Перейти к навигации Перейти к поиску

19 октября 2018

Кэмпириэнсийэ эмбилиэмэтэ.
В этой статье упоминается Фонд Викимедиа, какой-либо из его проектов или люди, имеющие к ним отношение. Викиновости — один из проектов Фонда Викимедиа.

2018 сыл алтынньы 13-15 күннэригэр Украина Львов куоратыгар Киин уонна Илин Европа биикиһиттэрин Wikimedia CEE Meeting 2018 диэн VII кэмпириэнсийэтэ буолла. Тэрээһин сүнньүнэн Украина католик үнүбэрсиэтигэр Андрей (Шептицкэй) митрополит аатынан кииҥҥэ буолла. Кэмпириэнсийэ программатыгар эгэлгэ хабааннаах дакылааттар, тиэмэлээх төгүгүк остуоллар, чаҕылҕан-дакылааттар, практикум-сэминээрдэр, көннөрү көрсүһүүлэр, арыйыы уонна сабыы сиэрэ-туома, ону тэҥэ куораты кытта билсии киирдэ. Кэмпиринэсийэҕэ 30-тан тахса дойдуттан 127 дэлэгээт кытынна.

Андрей Шептицкэй митрополит аатынан Киин.

Кэмпириэнсийэ бастакы күнүн иннинэ (алтынньы 12 күнүгэр), Львов киинигэр «Коммуна» коворкиҥҥа Асаф Бартов тренинэ буолла, оттон алтынньы 16 уонна 17 күннэригэр Викимедиа Украина тэрийэр хамаандата Карпаттарга уонна Винницаҕа вики-экскурсия тэрийдэ.

Эгэлгэ тылларынан кэпсэтэр кэмпириэнсийэ кыттыылаахтара биики туһунан кэпсэтэргэ кыаҕы барытын туһана сатаатылар. Холобур, көстүүнэй кафетыгар уонна ресторааныгар сарсыардааҥҥа диэри олорор түгэннэрэ көһүннэ. Ону сөҕөн, тэрийээччи-волонтер Виктор Семенюк Украинаҕа сылдьарбын итэҕэйбэт курдукпун диэн билиннэ.

Арассыыйа дэлэгээссийэтигэр бу сыл ахсын ыытыллар форумҥа тоҕус киһи кытынна: Владимир Медейко уонна Дмитрий Рожков Викимедиа РУ-ттан, Денис Кафтаев (Kaftaj) уонна Татьяна Святкина (User:Vaija) «Эрзя тылынан суруйар биикиһиттэр» юзер-бөлөхтөн, Дмитрий Жуков «Доннааҕы биикиһиттэр бөлөхтөрө», Зайтуна Нигаматьянова уонна Сария Кагарманова «Башкортостаан биикиһиттэрэ» бөлөхтөн, Фархад Фаткуллин, Сообщество участников «Арассыыйа омуктарын тылларынан Викимедиа бырайыактара», Викимедиа РУ уонна саҥа бэлиэтэнэ сылдьар юзер-бөлөх «Викимедиа түмсүүтүн татаар тыллаахтара» (2018 сыл Биикиһитин быһыытынан), ону таһынан Оренбууртан сылдьар, кэлиҥҥи түөрт сыл Варшаваҕа олорор Башкир тылынан тахсар Бикипиэдьийэ бүрүкүрээтэ Вячеслав Чернев.

Арассыыйа омуктарын тылларынан Бикипиэдьийэлэр: онлайнҥа элбэх тыл сайдыыта.

Арассыыйалар түөрт чаҕылҕан-дакылаат (5 мүнүүтэ иһинэн: Денис, Дмитрий (Жуков), Зайтуна, Татьяна, Фархад) уонна икки толору дакылаат — Проекты «Аһаҕас бибилэтиэкэ» уонна «Аһаҕас утум» Владимир Медейко уонна Дмитрий Рожков, уонна Арассыыйа омуктарын тылларынан Бикипиэдьийэлэр: онлайнҥа элбэх тыл сайдыыта Фархад.

Кэмпириэнсийэ ааҥыл тылынан үлэлээтэ, ол эрээри башкиир, татаар, нуучча (Фархад тылбааһыгар), ону таһынан эрзя тыллара (Татьяна тылбааһыгар) иһилиннилэр. Асаф тренинин, арыйыыга, сабыыга, хас да пленарнай сиэссийэҕэ уонна Львов эргэ куоратын көрүү кэмигэр (алтынньы 15 күнүгэр, сабыллыы кэнниттэн) Фархад баҕарааччыларга нууччалыы уонна татаардыы тылбаастаан биэрдэ (башкиир биики-эбэлэрин тылларыгар отой чугас, манна даҕатан эттэххэ, кинилэр бу кэмтэн ылата аан дойдутааҕы фан-кулууптаннылар).

Аудитория Арассыыйа биикиһит волонтердарын Викимедиа пуондатыттан туох да үбүнэн көмөтө суох ыытар үлэтин сөҕө иһиттэ. Коллегалар Арассыыйа элбэх тылын кэпсээн Арассыыйа омуктарын тылларынан бырайыактар уонна кинилэр түмсүүлэрин тустарынан дакылааты сылын аайы ыытыллар Бикипиэдьийэ тылларыгар анаммыт «Кельт түмүгэ» (Великобритания: 2017, 2018) кэмпириэнсийэҕэ оҥороллоругар сүбэлээтилэр. Арассыыйалары ааҥыллыы ыытыллар Викимедиа Хамсааһын стратегиятыгар анаммыт кэпсэтиилэргэ мантан инньэ көхтөөх соҕустук кытталларыгар ыҥырдылар, бу кэпсэтиилэргэ сыл аайы Берлиннээҕи сааскы кэмпириэнсийэлэр ананар буолалларын эттилэр, (2019 сыллааҕы мунньахха кыттарга ирдэбилгэ хоруйдуур уонна аһаҕас отчуоттаах холбоһуктан биирдии киһи ыҥырыллар).

Тэрээһин хаартыскалара уонна видео матырыйааллара сотору кэминэн Биики Хааһахха онно анаммыт категорияҕа угуллуохтара. Сүрүн саалаҕа уонна 1 аудиторияҕа сиэссийэлэр быһа эпиирдэрин суруллуута YouTube ханаалыгар бааллар. Сабыы сиэрин-туомун бу сирэйгэ көрүөххэ сөп Wikimedia.Ukraina@Facebook (20:00-32:30)

 
 

Эбии көр[править]

Ылыллыбыт сирэ[править]

Оригинальный репортаж

Эта статья опубликована в Викиновостях и содержит эксклюзивный репортаж и исследования, написанные одним из участников нашего проекта специально для Викиновостей.

Если автор репортажа не указал свои источники, источником информации является он сам. Вы можете узнать, кто создал эту статью, из истории статьи: найдите в ней самую первую правку; тот, кто её внёс, и является автором статьи. Если у вас есть замечания или предложения, первым делом напишите о них на странице обсуждения. Если у автора имелись в распоряжении не все факты, дополните статью известной вам информацией. Если с течением времени ситуация изменилась, напишите о новых фактах в новой статье. Если у вас есть вопросы к участникам русских Викиновостей, напишите на форум.
 

Комментарии[править]

Викиновости и Wikimedia Foundation не несут ответственности за любые материалы и точки зрения, находящиеся на странице и в разделе комментариев.